ديوان الشاعر غازي بن مغيران الزغيبي

http://www.m-harb.net/vb/showthread.php?t=79010

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياهاجسي لومي من الشعر واطيك=كم لي وانا ادايرك ببن مريخان
هو البلا فيه والا البلا فيك=والا القريحه وقعت في حصى بان
من عقب ماتنشي على المتر وستيك=باسلوب راقي لك مهارات واتقان
تخضع لك الشرد خضوع المماليك=تختار في جزل القوافي والاوزان
لاتقول بالممدوح ما شي يرضيك=الوضع فوق الشعر يابن مغيران
وش حاجتك فيه وش حاجتي فيك=ان كان ماتنهي القضيه من الان
قدمك ولد شيخ(ن) فعوله تنشميك=من وين مادرته لقيته كحيلان
رباح مهما قلت بالفعل غاطيك=خصايله تحتاج عشرين ديوان

راعي محل(ن) به رجال(ن) تحييك=لاصرت لوجيه المشاكيل خرمان
مافيه ليل(ن) مالمجالس مضاكيك=لاروحوا ضيفان حيو بضيفان
على الصياني برك الحشو تبريك=ياكثر مايفني من الابل والضان

وركن القبيله باحتكام الشرابيك=حلال قالات(ن) عراقيلها امتان
تلقاه في ذيه وتلقاه في ذيك=ومواعد(ن) عشره على باب سلمان
سمح المحيى لاتجديت يجديك=ماينشد الحربي من ايات الاخوان
بالجاه والا باحمر المال والشيك=دفاع حرب وكنز ماثوق والسان
يملك دها شيخه فراسه وتحنيك=وايضا جراءه لاوصل لصاحب الشان
رباح طيبك وارثه من مجانيك=ابوك مدفع حرب زيزوم وحصان
سمع(ن) وطاعه ياطعيميس تكفيك=شيخ(ن) واقرو له هكاليوم شيخان
والله يديمك ثم يمهل لياليك=ياشيخ شيال الثقايل كحيلان
ياقل مثلك يازبون المداريك=زبن المدان الي من الحكم زملان
ماختص طيبك في قرايب عوانيك=ماتحط ذاك فلان من دونه فلان
تبا الحقيقه تنشكر في مساعيك=كاسب بها طوله وكاسب بها احسان
وان جيت للابه عن اللابه انبيك=اهل الخيول الشهب في كل ميدان
ثنتين مايحلق به(ن) اي تشكيك=موثقات(ن) للدواوين عنوان
واقعت بقيعا فكك الضد تفكيك=بس الجميلي والوسيدي وغربان
افتكوا الحله بروس المشاويك=ثم عاد طامعهم من الغزو خسران
وان جيت للفريس مانع يكفيك=لو باقي(ن) غيره دهايا وفرسان
نعم(ن) باخو فزه ونعم بهاليك=راسك مسند والسعد فيك كدبان

يحق لي يوم افتخر بك واحييك=واصل لغايت علم في قدر الامكان
موعد تجي نيبه مثل ماني اجيك=تراك موعدني وانا جيت ديان
واقبل تحيات الوفا من محاكيك=وانهايتي صلو على نسل عدنانo