ولابد ما تغرب بعد وقت الاشراق= وتطوى الصحف بأعمالنا يالفريدي

	المشاركة الأصلية كتبت بواسطة عبدالله الفريدي

	اخوي غالي الغالي استلم ردي المتواضع واعذرني على التأخير والتقصير اتمنى اني وفقت بما كتبت والا الجمال والرقي اخذته قصيدتك ومثل ماقيل التالي متلول لو هو على ظهر ذلول . قريت مكتوبٍ على بيض الاوراق=فالمنتدى ورسالةٍ في بريدي قصيدة لامرت اسماع ذواق=للجزل والشعر الحقيقي يشيدي من شاعر قادر على لي الاعناق=واقل ماينقال شاعر مجيدي اسم الفريدي بآخر العقد براق=وجه له الشكوى ويبغى المفيدي لاباس مقرونه بترحيب واشفاق=له وعليه اشفق ومنه استفيدي بحر الهوى كلٍ شكا منه الاغراق=منته لحالك عل عمرك مديدي راع الهوى لايحلم بحب واعتاق=واحد من الاثنين والعلم أكيدي لو غالي اربيعان على الخفا واق=وشاف الطعون وشاف بالرجل قيدي ارسل لي الفزعة على اجناح بيراق=معبدي دون الخوي مايحيدي رجل لفعل الخير والطيب سباق=نعم العضيد لمن يحطه عضيدي مادام لك بيرق على الصرح خفاق=في ساحة العشاق خلك شديدي وابعد شبوحك عن سراديب الانفاق=المظلمات وخل رايك رشيدي واحكم على باب الغلا قفل الاغلاق=اكيد ذبح السر فعل سديدي والصبر دام الصبر يقوى وينطاق=مذكور غيب الصبر دايم حميدي وارفع يديك لمن رفع سبع الاطباق=الواحد اللي من لجاله سعيدي

ابو زياد

صح السانك وسلم راسك
عزالله انك وفيت وكفيت

انت تراك راعي الاوله

ردك وافي ونصيحتك ماهي مستغربه عليك

انت رجل نتعلم منه وهذا هو المكسب الحقيقي للشاعر
معا نقت منهم افضل منه شعرياً
لا عدمناك