ديوان الشاعر//غالي ربيعان الحربي

لاهنت والا عليك زود شاعر متمكن

والمعذره على التاخير وعذرنا على التقصير

دام البقا با العميل اللي هجوسه ثمـر=وجزل المعاني خيال الحـر مندوبهـا
قريحته من جزيل العلم تقطـف زهـر=من ضمن شعار حرب ابملتقى احروبها
شاعر اسلوبه مميز عند زيـد وعمـر=ومقدار قدر الحا من واقـع اسلوبهـا
من شد قاف القصيده ونحته من صخر=جزل الاشاده وساع العـرف قروبهـا
وتبقا صدور النشامـا للمعانـي مقـر=والناس ما ينـدرا وش قـر بقلوبهـا
محدن بمظهر خفايا خافقـن ماظهـر=والذاهبه مـا نفـك ارمـوز مكتوبهـا
واللي يبا الحل ياتينـا بعلـم وخبـر=وانكان له وجهتن ينعت لنـا صوبهـا
يبشر بعزمن اليا عضد عضيدن عبـر=من لا بتن كانها فزعه مـا شحوبهـا
ربعن ما تنبش حصيل القبر للي قبـر=والخافيه خافيه لـو بانـت اجنوبهـا
لا غاب راس العلوم اتروح جرت وبـر=والجـره البينـه تستقطـع ادروبهـا
ما با القضيه لك الله يا عميلـي مبـر=فنـد قضيتـك والا قـض مسحوبهـا
والخوف ما هو من البين من اللي سبر=يمكن تصنـف معـه ويفـر دالوبهـا
يجيك بكره على ما قيل بدهـا وامـر=لو اللوازم بسـده مـا قضـا نوبهـا
هذاك فاله بعيـدن عنـك فالـن غبـر=والجابيه فوق راسه تنضح اغروبهـا
وحضيض من جاله بغيره دروس وعبر=ان شيد اصروحهـا والا بنـا طوبهـا
ومثلك حكيم وفيهم انقـاس والاشبـر=واللي ما تستر ما يسترها طرف ثوبها