للقوافي ملافي بيـن مسنـي وسانـي

مرحبا باالنيابـه فـي ردود المعـانـي=للمعاني مداخـل والتفـاف وسريـره
ماقفي لبن عمي من حضـاة العوانـي=واجب ٍمانمدح به وان تركتـه معيـرة
فيه نضحٍ يبين وفيـه علـم يخفانـي=من سببها سلمت وبالعقوبه خشيـره
يوم جتنا من الاصحاب سر وعلانـي=اسمحولي بكلمة حـق ماهـي مثيـرة
للقوافي ملافي بيـن مسنـي وسانـي=وكانهـا با لحمايـا كلبونـا عشيـرة
قربوا لي سيفي واسرجولي حصانـي=مانقوم بتصدي والغلـب فـي جفيـرة
ياولد صقر مالي عذر عنهـا يسانـي=وانت حربة هجوم ماينـاول ظهيـره
ان تكابرت روحك وان تناسيت شاني=للرّياجيل خـوه كـان للبيـت جيـرة
احسب احساب غيره كان عندك نواني=ان تناسيـت زاده لاتجـر الجـريـره
المهـم الاداب ودلــة الزغفـرانـي=سوق فنجا لها واعرف على من تديره
التفاهم يحـل اللـي يحـل السنانـي=والردى مثل ماقالـو حبالـه قصيـره
كانهـا باالسوايـر يالله المستعـانـي=مانبي غير ماتشهد ه أهـل الجزيـره
اسمع اللي نقوله ياعريـب المجانـي=راعي الوسم جاء عقبه هذاك وقصيرة
بين نجم الشمال وبين نجـم اليماني=يوم جدك على دربه حفت كـم عِيْـرَة
اشهد انـه بقومـه مايحلّـى بثانـي=ينفقد في غيابه وان حضر جمع اميره
ياحفيـد المحلـل ياوسيـع البطانـي=وارث لك شداد مـن خيـار النجيـره
احفظ اللـي ورثتـه والدهـر قلبانـي=لاتحسب الليال السـود دايـم مخيـره
وان تهاونت قدره متهم بـه وجانـي=ذارب البيـت لا كبّـر قليـل ٍ بعيـره
والخطا مانقـرّه يـوم سـاد الامانـي=في ظلال المليك اللي يقود المسيـر ه
وانت نايف على اسمك نايف مثل أباني=لو تجيك الكبيره فيـك امالـي كبيـره
جـاك ردّي ودّي مايسـل السنـانـي=لاحقرت الشـراره عاقبتهـا سعيـره

مع تحيات غازي الزغيبي=

تشرفت أن كون اول من رد عليك بهذه القصيدة الرائعه



صح لسانك وسلم بيانك يابو طلال

	المشاركة الأصلية كتبت بواسطة حمود الغيداني

	تشرفت أن كون اول من رد عليك بهذه القصيدة الرائعه صح لسانك وسلم بيانك يابو طلال

لنك سباق باالعلم الاخر

صح بدنك ولاهنت ولاهان غاليك

وشكرا لك على المرور

تحياتي لك

صح لسانكم قصيده شامخه بمعانيها الساميه وحبك وسبك فريد من نوعه صح لسانكم مليون على الابداع الرائع

اخي الشاعر و القدير غازي الزغيبي والله يحفظكم

	المشاركة الأصلية كتبت بواسطة مسند بن عامر الحويفي

	صح لسانكم قصيده شامخه بمعانيها الساميه وحبك وسبك فريد من نوعه صح لسانكم مليون على الابداع الرائع اخي الشاعر و القدير غازي الزغيبي والله يحفظكم

ابن العم
صح بدنك

وبيض الله وجهك
كتمال الابداع حضورك

التفاهم يحـل اللـي يحـل السنانـي
---------------------والردى مثل ماقالـو حبالـه قصيـره
صح لسانك يابو طلال
شاعر كبير
لك تحياتي

	المشاركة الأصلية كتبت بواسطة عيسى العوفي

	التفاهم يحـل اللـي يحـل السنانـي ---------------------والردى مثل ماقالـو حبالـه قصيـره صح لسانك يابو طلال شاعر كبير لك تحياتي

صح بدنك وشكرا على المرور

تحياتي لك

الشاعر القدير غازي الزغيبي
صح لسانك وبيض الله وجهك
قصيده جزله الله يعطيك العافيه

	المشاركة الأصلية كتبت بواسطة ابوهليل

	الشاعر القدير غازي الزغيبي صح لسانك وبيض الله وجهك قصيده جزله الله يعطيك العافيه

الشاعر ابو هليل

حياك الله وشكرا لك باالمرور

وصح بدنك

صح الله لسااااااانك يا علمنا غازي الزغيبي