وينك يامضحي بن جمران

يمكن يطول الهرج وان وقف موقفه المراد=وانحط بصمه للغلُيم فوق روس ابراجها
واقول يامضحي عقب هذي عليك الاعتماد=وتسير راعي فوج وسط المملكه بافواجها

	المشاركة الأصلية كتبت بواسطة محمد بن راضي الحربي

	يمكن يطول الهرج وان وقف موقفه المراد=وانحط بصمه للغلُيم فوق روس ابراجها واقول يامضحي عقب هذي عليك الاعتماد=وتسير راعي فوج وسط المملكه بافواجها

تكثر هروج البدو من تكرار وإلا بالعناد=واللي يعاند بشروه بحاجةٍ محتاجها
ماهي غريبه يابن عمي لاتعليت الشداد=بالعرف والمعروف ماهي بالنجوم وتاجها

صحة السنتكم جميعا شعار اكبار يليتها تستمر لكي نتشبع من الابداع

صحة السنتكم جميع استمتعت بما قراته
بيض الله وجيهكم

ياسلام عليك يابو احمد لله درك هاكذا الشعر ولا بلاش

ماهي غريبه يابن عمي لا تعليت الشداد=بالعرف والمعروف ماهي بالنجوم وتاجها

اشكرك جزيل الشكر على هذا البيت

اقول عان الدرب قدامك لكن يعود غاد=والكلمه اللي مستقيمه قالوا انه عاجها
عساك يامضحي تعداها قبل يوم المعاد=سبع البحور اللي تعديناها رغم امواجها

	المشاركة الأصلية كتبت بواسطة محمد بن راضي الحربي

	اقول عان الدرب قدامك لكن يعود غاد=والكلمه اللي مستقيمه قالوا انه عاجها عساك يامضحي تعداها قبل يوم المعاد=سبع البحور اللي تعديناها رغم امواجها

الدرب ادله ماغويت الدرب يالفارس فؤاد=دوبك على روحك شوي شوي ليش احراجها
ارتاح يامحمد ولد راضي تراء مانت بزياد= وكل الكواكب منهجك ماجاء على منهاجها

صحت ابدانكم الجميع واسعدنا مروركم النير وتشرفنا به لاعدمناكم وبيض الله وجيهكم واهلا وسهلا بكم كل واحد بسمه ونداه

الهرج واجد عندك الليله ولا فيه اجتهاد=والناس تهرج معك بالموضوع وانته ناجها
لاجيت للاسواق صاروا مثل عمدان الجراد=واللي تسام برخص فالاسواف من حرُاجها

اشكر كل من تابع هذا الطاروق وعلق عليه
اسعدني تواجدكم