ديوان الشاعر عبدالله عتيق الحنيني

الشاعر المبدع با الابداع مسبوق=لا يحسبن الجزل والسوق سوقه
تخالف الاذواق والكل له ذوق=وكلن حسب شفه وعرفه وذوقه
لوهو صحيح ان كل مطرود ملحوق=يمديك تطردلك سراب وتحوقه
وصدرن تقرقع فيه هرجه ومخنوق=لولا الثقه متزعزعه وش يعوقه
للغيظ فيض والاحاسيس صندوق=وبركان مبدا الادمي في عموقه
عادي ولو ماهو بعادي ومرموق=وشر البنادم مستقر بخفوقه
الحق حق ومن يبا يعطي احقوق=لاعاش راسن مايوفي حقوقه
لو يتسع وسع الفضا يمكن يضوق=والناس من ضيق الصدور مخنوقه
ماهو جدا كان الجدا الدمع والموق=يفقد احساس مسبل الدمع موقه
ياتل قلبي تل معلوق معلوق=تلت نشيطن ما زعه من عروقه
منها ينازع سكرت الموت ويفوق=لو كان نزع الروح ما منه فوقه
على الغزل حديتني غصب يا شوق=وانا الذي ماقد تغزل بشوقه
تستاهل السلسال والعقد والطوق=طوقن زهاك وزاهي الغير طوقه
مدام بالي كل ماشافك يروق=وادخل معك جون تكاشف ابروقه
جون موحد قلب عاشق ومعشوق=قلبين في قلب استحاله يبوقه
قلبن مثل قلب الملوح وموثوق=مصفوط للي صافطن لي عذوقه
اهيم به من قلب وعن وتوق=وكبدي على لاماه دايم شفوقه
يا شهد يا غالي ولا نته بملعوق=ذمه ومانه يا الصباح و شروقه
منصفك وصف المختصر والرمي فوق=الوصف ماياصفك وصفك يفوقه
ربع الغلا اللي جاك برفوق برفوق=وكلن حسب شفه وعرفه وذوقه

[/quote]
[b][center][size="5"][color="blue"]