ديوان الشاعر مشعل سالم النويمي

مشعل

ماعاد لي فالهوى لزمة = مادام كل الأمل مفقود
فالقلب سبب لها ازمة = والحب اهات به ولهود

الحب الباقي

ياصاح لابد من حزمه = جور الليالي عليه إتجود
القلب لابد من عزمه = والنبض بكرة عليه إيعود

مشعل

النفس فالدين ملتزمة = والحظ دايم معي مقرود
ياكم صرفناه بالرزمة = والدرب دايم لنا مسدود

لاشفت فالوقت فيه ساعة = فاضي وحاير بما تقضيه
فوز به وخليه فالطاعة = صلي وسبح لجل ترضيه

ماعرف اواعد وانا كذاب = من خوف نفسي إتبلوابه
القلب مثل اللبن لاراب = ابيض وصافي غشش مابه

كل مالتمس عذر لاحبابي = زادوا فهجري وزاد البعد
كان الأمل يوصلوا بابي = حتى الآمل ضيعوا والجهد

لاتشتكي جرح قد صابك = خلك مجاهد على صبرك
مادام درب الهوى جابك= مايطيب مهما كتب حبرك

قالوا الصبر والصبر طول = ولا انقضى شي فاحلامي
درب الحزن مر من أول = وحظي الردي شفته قدامي

لاتفتكر بعد ماشفتك = يرجع صفانا مثل ماكان
ذا جرحي من يوم ماعرفتك = لازال يدمي لحد الأن

هذا الزمن ياما عبنا فيه = والجور اصله من الانسان
يظلم ويسلب ولا يكفيه = و يظهر بصورة رجل احسان

ياكم عشقته سنين أزمان = وكان الوعد بيننا مكتوب
ولما تقرر وظرفي حان = قالو حبيبك غدى مطلوب

بين القلم والدفاتر تهت = بكتب رسالة لمحبوبي
مهما كتبنا ومهما بحت = ماوفيت شوقي فمكتوبي