قصيدة الشاعر الكبير/ لافي بن حمود الغيداني في رثاء شاعر الخليج/ صياف السحيمي

اعزي عشاق الشعر في موتة العملاق=واعزي قبيلة حرب في مـوت شاعرهـا
واعزي عليه الاسره اللي نكدهـا فـاق=حدود الصبر وغياب راسه مكدرهـا
فراقه بالنسبه لسرته ماهـو اي فـراق=عسى الله على وحشة فراقـه يصبرهـا
واعزي صفوف الشعر في نجمها الشعاق=وشعار الصفوف اللي بوقته معاصرهـا
الاعمار زرع ٍ دبرته فـي يـد الخـلاق=ينهى الله تعالى آجال خلقـه ويامرهـا
مقادير والدنيا كـذا مالهـا ميثـاق=رحـا ً مستديـره وانتكبـد خسايرهـا
دنا يومه المحتوم والتف ساق بساق=وطويّت صحيفة شاعراً كـان عامرهـا
بحسن التعامل والتواضـع وبالاخـلاق=وصخرّالبيوت اللـي ماكـل ٍ يصخرهـا
لياطلق عنان المفـرده يطـرب الاذواق=مـن اول طواريـق المعانـي لياخرهـا
عملاق ٍ طلايع سمعتـه جابـت الآفـاق=ماخلقت قنوات القصيـد وعناصرهـا
يبا يطول شوق اللي لمن يشبهه مشتاق=لو تولّد عيال النسـاء مـع مناخرهـا
عساهـا وفـاة ً لاحميـم ٍ ولاغسـاق=وروح ٍ عليهـا راض ٍ الله وشاكـرهـا
اللهم اغفـر لـه خطـايـاه يــارزاق=ولبويه والموتى المسلمين بمقابرهـا

صح لسان الشاعر الكبير/ لافي الغيداني , قصيده جزززله

والله يرحم شاعر الخليج / صياف السحيمي


شكرا على الاختيااااار الجزززززل يالغالي

الله يعطيك العافيه
بيض الله وجـهك

صح لسان الشاعر لافي الغيداني
ورحم الله الشاعر صياف الحربي
اخي لاهنت وبيض الله وجهك
دمت بخير

صح لسان شاعرنا العلم لافي بن حمود الغيداني
والله يرحم الشاعر الكبير والعلم صياف بن عواد السحيمي
بواسع رحمته ولك منا جزيل الشكر على هذا الاختيار الجزل لاهنت

صح لسان الشاعر الكبير/ لافي الغيداني , قصيده جزله

والله يرحم شاعر الخليج / صياف السحيمي

الله يعطيك العافيه
بيض الله وجـهك

صح لسان العملاق / لافي بن حمود الغيداني

و رحم الله شاعر الخليج / صياف الحربي

الله يرحم شاعر الخليج ويسكنه جنات النعيم

صح لسااااااان الشاعر الكبير/ لافي الغيداني

صح لسان الشاعر لافي الغيداني
والله يرحم صياف السحيمي رحمه واسعه

صح الســــــــــانك وبيض الله وجهك يالغيداني
شاعر ولابها شك وجدااااااااال
والله يرحم شاااااعر الخليج ويجعل قبره روضه
من رياض الجنه
ومشكور اخوي حرب على النقل
تحياتي لك