ديوان الشاعر : شريف بن راكب الفريدي

	عذري ترى يا صاحبي يوم سرّحت=ضربت لي هاجوس مدري ضربني ما والله ادري عنك لوما تنحنحت=قبلك بعد واحد بمتني سحبني انحت بيوتٍ من صميم الحجر نحت=تجديد فكرة واحد ٍ كد غلبني عرفت مقدار الرياجيل وارتحت=عبر الزمان وجور وقتٍ غصبني لقيت من ياقف معي والهدف بحت=وعرفت من ينوي على هدم ما ابني اللي اليا مني برايه تسلحت=وصف لي الدرب المصد ّ وعقبني حتى ولو اني معه دايم انصحت=امّا انكر المعروف والا نكبني صديقي الحاضر عدوي اليا رحت=بالدين لو له عروة ٍ ما شذبني ياجاهل ٍ في وصف الانذال ما افلحت=ان ما كويت ابهام يدك اطّلبني احذر هل النمات واكّالة السحت=ما اقول عنهم خالق الكون زبني صادفتهم مده قليلة وشلّحت=من مر لو يلقى عباتي سلبني ولا ازعل على ضحكة عدوي اليا طحت=ازعل على الصاحب ليا ما قضبني لاصار له قدره وقدمه تلولحت=خابت ظنوني فيه وازداد غبني يشوفني ويقول لي ليه ماصحت=مثل الغريق تقول له ماندبني ما اقول كملت المعاني ووضحت=لوطالب الطيب بحق ٍ ركبني اخذت روس اقلام موجز ولمحت=وابديت حاجة واحد ٍ مانصبني

	الله من قلب ٍ همومه تفرّه=فرة جهاز المستمع للاذاعه ليا انبا له الموجز كلام ٍ يسره=وركّز يبيه ولاتهيا سماعه هم ٍ يحاولني لحرب ٍ يجره=تحت نووي ٍ يدمّر شعاعه مع عالم ٍ ماعندهم وزن ذره=مما يقربهم لحوض الشفاعه طريحهم من طاب خمنه وغره=عنده سوا ميزان كل الجماعه وهذا خطا ماكل حيٍ ٍ تبره=ويضفي عليك اليا نحرته شراعه نوب الرفيق اللي يكافيك شره=اليا حصل منه السلامه طماعه واديك سيله جنّبه لايمره=وواديه جنّب عن مجار انهزاعه دار ٍ بدل دار ٍ ونفعه وضره=وعنه الخلا لو ياكلنك سباعه حي ٍ على فرقاه تمشي مكّره=وحي ٍ تمنى بالمنام انقلاعه ابديتها لو هي حقيقه ومره=والله ما اخليها تضيع الوداعه وختمت مضمون السوالف بدرّه=وجهة نظر للي بعيد اندفاعه واليا سترك رداك والنفس حره=خير ٍ من الدنيا غناة القناعه

[/quote]

يبو العيون اللي سهمهن يخدر=أعط الغصون الناعمه من تمروجك
وريح مضاليلٍ كفن التندر=واضمن نجاحك قبل تطلع نتايجك
عساه يصدرلك قرارٍ تودر=واحرق ملفٍ فيه ماضي برامجك
ياشين دار ضروف غيرك وقدر=هي ولجه المره عساها تولجك
كان انت مجبور ٍعليه تكدر=بالله عني منهو اللي مهرجك
والله يمين من الهوى اني مصدر=قدام ماربي على الكون يخرجك
تعبت من طرد السراب المغدر=ولاني على ماضي حياتي مفرجك
كبدي كما قاعٍ يباسه تفدر=هذا نبا عن حالتي كان تبهجك
يامسنّد الوادي تراني محدر=مالي بشوفك والهبايب تعوجك
ليتك على رحلة قطاري مبدر=افهم على الطاير قواعد مناهجك

[/quote]

اول المعروف هو باب الصداقه=كل واحد ينطح الثاني يهلي
والسنين التاليه عوّد دراقه=ياخذ الحاجه رفيقك ثم يولي
لاتسلف من تبي لك به علاقه=وكان ماصدقتني جرب وقلي
قبل تعطيه الطلب ودّع فراقه=مدها يمنى رهن ثم شف من اللي
لي صديقٍ غير الرقم ببطاقه=ومن ثمان سنين ما طب بمحلي
وغير هذا فيه ليّه وانسراقه=ولايطب المسجد اللي به نصلي
وما حصلي مارن بعض الرفاقه=كل واحد حاصلٍ له ماحصلي

[/quote]

ياحبني لاهل النوايا السليمه=اللي مثل غيثٍ يعزّل نفيضه
عند الحشام تشوف نفسك حشيمه=وعند الليام يقال مافيك عيضه
من لادعى النفس لهواها خصيمه=يشوف من نوع الخطا مايغيضه
لي سيرةٍ هي تاج راسي قديمه=حملتها قدام حمل الحفيظه
نفسي لها عندي معزه وقيمه=واخاف يكسرها الغلط كسر بيضه
ما زتها مع كل طاري عزيمه=واعدها وسط المحافل حضيضه
اخشى يجي من لايعرف الوسيمه=اللي يشيّل له فشقةٍ نقيضه
تثور من حظي واحصل قسيمه=وابقى ورا قصه طويله عريضه
اليا انسحبت يقال شاف الهزيمه=ويحبك سداها بالسلوك الغليظه
وتساوت الذله معي والجريمه=واصبح حدى الامرين مثل الفريضه
اليا اعترض قدمي خطات البهيمه=ذبحه حرام وتركتي له غميضه
بعض القصور يعوض به سمل خيمه=لياصار تلقى به قلوبٍ مريضه
بعدك عن اللي مايودك غنيمه=وفراق من قلد خلايف قريضه
لويمسح المجرم دموع اليتيمه=تشوف نظرات العيون البغيضه

[/quote]

من عاشر الدنيا وسوت له افراح=وشارك غلاها بالشرايين دمه
ما ظنتي يرتاح لو قال ابرتاح=يزود عمره والمشاكل وهمه
واليا حصل له يوم من برجها طاح=داست عليه ولاتقل جت به امه
ان اقبلت كلش لها صار مفتاح=يجيك غايبها ولو منت يمه
واليا ادبرت قطْعَت مع الليل مسباح=بارضٍ وعر صعبٍ خرزها تلمه
والمال عذروبه وجوده مع الشاح=صورة عسل من راح له جاء يذمه
يصد عن واجب صديقه اليا لاح=ما يدرك المعروف بعيال عمه
والله خلق كلٍ على الكون فلاح=وحصاد ما يبذر نهار المطمه
في موقفٍ تجنى الخساير والارباح=ولا للبشر غير المسارين يمه
احدٍ ليا سافر معه زاد وسلاح=واحدٍ يسافر ما معه كود كمه
ولاخير في نجواً تكشف بالاصلاح=وحثٍ على المعروف والصبر قمه
ومن شاف نفسه عاليه بالتبجاح=وغيّر عدوا آدم مساره وخمه
يرسم له الصوره على شي ما يباح=ويوعد ولكن الوعد مايتمه
ومن جاب لك نقله ولوا كان مزاح=الهرج بالغايب بلامدح نمه
ومن يزرع الصبخا يدور بالاملاح=باع الغناه ومحور الفقر ظمه
واللي يعد السيل لوشاف ضحضاح=دايم عن الواقع يجي فيه زمه
ويازين فرقا اللي يسبك ليا راح=وبعدٍ عن الداب وملاذه وسمه
ويا ما اصعب الغبه على كل سباح=اليا ارتفع موج البحر فوق جمه
اخذت من بعض المعاني تلماح=والعود يشرونه على شان شمه
وصلوا عدد ما الورق فوق الشجر ناح=على الرسول اللي نصح كل الامه

[/quote]

ابجتهد والمجتهد يمكن يصيب = واليا حصل زلت خطأ غصب عني
جميع ما اقوله حصيلة تجاريب = ما اقول قالوه الجماعة وظني
منشان ظاهرةٍ على المجتمع عيب = ما ودي أتركها سدى وتغبني
نصيحةٍ لمظايقين المعازيب = فسح المجال لغيرهم والتأني
صدر المنصه لايودي ولايجيب = مايرتفع قدرك ولاهو مدني
انته هو انته لا مهلهل ولاكليب = ما تنقلب باشه اليا صرت جني
الحق لضيوف الشرف والاجانيب =هديةٍ لاصحاب الالباب مني
والكبر ميزه من كبار العذاريب = للي معه مثله قرينه يغني
ليا صفّط المشلح وشخّص على الجيب = وصوّر له المطرود عرش التمني
يشوف كل الناس قدمه دباديب = لو ما يقل فلان ما قل سني
ما في كلامي لاتصنّع ولا ريب = وجهت للمقصود رمح المطني
عسى الزعل له عويتن في قفا ذيب = الخيل في وسط المرابط تعني
والا ترى الطيب معه يمشي الطيب = لو صار في قاعٍ عجاجه مقني
لو مسكن الطيب مثل خيمة شعيب = تعرف ولايعرف قصور الهبني
كلٍ تهمه غيبته عند مايغيب = ويقال للثاني عسى مايثني

شريف بن راكب

[/quote]