ديوان الشاعر مشعل سالم النويمي

مشعل النويمي=
شكيت حالي على القهار = من علتي والذي بية
بالقلب غصةجسم منهار = مدري وش اللي حصل فية
أبو ذياب=
لا يتوه فكرك من الاخطار = ولا تزيد من علتك تيه
وضح لنا ... واكشف الأسرار = اِفتيلك الشرح بعقليه

بمطارنا البارحة ودعته = لأجل يستكمل التعليم
حاولت قدايش ماقنعتـه = وكان مقدرلي التسليم

اخذت من الوالد رحمه الله دفتر فيه من الكسرات التي كتبها وعندما ارجعته له حبيت ان اشيد بما كتبه فقلت

يابويا قريت كسراتك = وكل كسرة لها معنــــا
مشهود للناس قدراتك = واحناعلى اثرك ماضعنا
وكان رد الوالد رحمه الله=
وصلت الينا تحياتك = مبسوط من قولنا احنا
ياما من اقوالنا فاتك = من جيلنا واللذي معنـا

حبيت اشارك فيها بملتقانا من حبي في اهله رحم الله موتانا وموتى المسلمين

المناسبة جلسة جمعتني مع احبابي

يازين جلسة مع الاحباب = حلوه جميلة ترد الروح
تلقى المودة والترحــــاب = وتطيب الخاطر المجروح

اللي آمنته على سري = روح وشاعه وزود فيه
ياحسرتي اه ياحري = وش الحكم كيف اقاضيه

سبعة ليالي وسبعة ايام = اصبر واحسب لجيتهم
من عمرنا تنحسب اعوام= مشتاق ياخي لشوفتهم

اه ياشجر سبحي ربك = واهدي ثوابك للمرحوم
اللي غرس بذرتك كبك = حكم القدر واللذي مقسوم

النفس توله عليه اتجن = هو اللي دايم يراضيها
قولو لغيره اروح لمن = وين العواطف الاقيها

ياارض بيضاء مابك شي = ياغالية من اثر احباب
تبقى بقلبي اثرها حي = واللي رحل عننا ماغاب

مشعل النويمي=
ودي اجابة ومصدر صح = من ناس خيرة توافينا
ليه الوفا في زمنا شح = والوضع ماعاد يرضينا
ابوذياب=
خذ الاجابه تهناء ارتاح = من مصدر القلب ياخينا
أعملك (بأصلك) ... ترى ياصاح = الناس أصناف تعمينا
ابن شريف=
الناس في عالم المسرح= يم الطرب والمغنينا
تفكــيرهم كيف كم تربـــح= فيهم نقدم تعـازينا