قام حضك يامكينة سنجوار ........... مكينة للبيع ( هزلية )

بسم الله الرحمن الرحيم



بعد الإشاعة الغريبة والإحتيال المضحك وبعد سقوط أثنان من الزملاء في هذا الإحتيال

كتبة هذه القصيدة الهزلية وألقيتها في مناسبة خاصة جمعت جميع الزملاء

وإليكم القصيدة أرجو أن تنال استحسانكم

قام حضك يامكينة سنجوار = بعد ماكنتي وبال (ن) للعجوز
بعد ماكنتي شعار للفقار=صار راع ( الحوت ) لديارك يجوز
في حشاكِ قالوا كنوز الدمار =مطلب الإيراني في راس الدزوز
( المكر ) فوقك ما عاد اليوم دار=سلعة التاجر وحظه بك يفوز
صار يطلب يدكِ هامور العقار= يشتريك ويقتنيك ولك يحوز
سوق سودا كلها حصني وفار =وشعب غافل أو مغفل ما يجوز
أمس الأسهم صيًرتهم في بوار =وقبلها علم البطايق له بروز
والعشيه للمكاين علم صار =صدق ... لوقالو ( ذهب في وسط لوز )
تمشي الكذبة علينا بعتبار =عقلنا .. وعقل ( الحجل) مابه فروز
ثورة البارود مصدرها شرار=وانهيار المجتمع فكر المعوز
كان ما تغدي يمين وفي يسار =ماتحصل من فنى الدنيا خروز
كل مال (ن) معترض شبه وقمار = غير ورث(ن) جابلك قصر (ن) و روز

هههههههههههه

صح لسانك
يافواز

شعب مهوي قد مايأكل من الصكات

مايتوب عقول خالية


يعطيك العافية

نسيت تراني بياع ماني شراي

عندي كم واحدة ادع إن الله يكرمنا على حساب واحد من المهبل ههههههههه

الاخ فواز رائعتك منشطة للعقول فهل من مستجيب
ام على قلوب اقفالها ( قبل اطلاعي عليها اتصلت بعامل يعمل عندي في المزرعة
قلت له احرص على اللستر الخربانه يمكن يجي يوم يدفعون لنا مخاسيرنا بالمزارع
طول هالسنين ) وبعد اطلاعي ضحكت وقلت ياترى متى تكبر عقولنا . لحظة صمت
جميلة مريت بها لم تدم طويلا حيث سألني عامل المزرعة هو انت جبت عجول ياعم

صح السانكـ اخوي فواز

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة بخيتان البشري

	هههههههههههه صح لسانك يافواز شعب مهوي قد مايأكل من الصكات مايتوب عقول خالية يعطيك العافية نسيت تراني بياع ماني شراي عندي كم واحدة ادع إن الله يكرمنا على حساب واحد من المهبل ههههههههه

صح بدنك يالغالي

والمكاين أظنها خلاص لكن إذا عندك إتريك أبو فتيل حافظ عليه يجيه وقت


لك خالص التقدير

!!. صح لسانك
رائعة من روائعك
والله على قولك شعب ونسه (( مصخره )) ههههههههههههه
بيض الله وجهك
ولك مني اجمـــ وارقى ـــل تحية

العبيدي .!!

	المشاركة الأصلية كتبت بواسطة ابن قويتان

	الاخ فواز رائعتك منشطة للعقول فهل من مستجيب ام على قلوب اقفالها ( قبل اطلاعي عليها اتصلت بعامل يعمل عندي في المزرعة قلت له احرص على اللستر الخربانه يمكن يجي يوم يدفعون لنا مخاسيرنا بالمزارع طول هالسنين ) وبعد اطلاعي ضحكت وقلت ياترى متى تكبر عقولنا . لحظة صمت جميلة مريت بها لم تدم طويلا حيث سألني عامل المزرعة هو انت جبت عجول ياعم

صح بدنك يالغالي


والله يستر من المقبلات

لك خالص التقدير

	المشاركة الأصلية كتبت بواسطة الحر

	صح السانكـ اخوي فواز

صح بدنك يالحر أسعدني تواجدك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك ووجهك أبيض يالنشمي


لك خالص التقدير