بين الشاعرين رجاء الله رحمه الله وأسكنه فسيح جناته وأبو مشعاب

رجاء الله :=
الله يبارك فيك ياوادي حجر = لقيت سكانك على سطح القمر
كل الحروب تحارب بليس العور = واللي عقد روس الحبال يحلها
يا راس أبو مشعاب كسرك أبو ناب = يومن أبو مشعاب في عز الشباب
والشكر لله خالق آدم من تراب = واللي عقد روس الحبال يحلها
أبو مشعاب :=
الله يبارك في حجر وأصحابها = عشرة من الشعار تحرس بابها
لاكن انا لازم لها مشعابها = واللي عقد روس الحبال يحلها
الليلة الحفلة كما النار الشبوب = وأنا بمشعابي توليت الحروب
عسى رجاء الله يحتمل كل الذنوب = واللي عقد روس الحبال يحلها
رجاء الله :=
عشوا بك الشيبان من بعد العشاء = ياللي تبي منا العشاء وأنت العشاء
واللي وقف يسد فيك اللي مشى = واللي عقد روس الحبال يحلها
أنته ومشعابك تعشوك الرجال = أنشوفها وأنته تخيلها خيال
والقرد دايم في عيون أمه غزال = واللي عقد روس الحبال يحلها
أبو مشعاب :=
أنا على العدوان سيرت العلم = والسالفة كتبت عليهم فالقلم
الريم خبي والفتيل من الزلم = واللي عقد روس الحبال يحلها
يا شاعر الحبلان نورت البلد = والمشكلة شايب يناطح له ولد
وإلى نصيت القوم يعطون الجلد = واللي عقد روس الحبال يحلها
رجاء الله :=
علي ما تمشي علومك ياغبي = ومسيلمة كذاب ومحمد نبي
وهزيمتك في شاربي في شاربي = واللي عقد روس الحبال يحلها
منا الولد يطرح ثنعشر من سليم = هذي عوايدنا من العهد القديم
وإلى حجدت نقول : والله العظيم = واللي عقد روس الحبال يحلها
أبو مشعاب :=
أنكان في شاربك هزمه قولها = بين الحروب اللي كبار عقولها
حتى نغني عرض الأرض وطولها = واللي عقد روس الحبال يحلها
وجه الهزيمة ما يجي بين الرجال = والصقر ياقع في منيفات الجبال
وأضن للسلمان ما فيك احتمال = واللي عقد روس الحبال يحلها
رجاء الله :=
ما ندفن الحية بقبر الميتة = يا الشاعر اللي ميتة جنيته
قولوا لعوض الله يبدل نيته = واللي عقد روس الحبال يحلها
ما هو بعيب إلى هزمتك وأنهزمت = العيب لامنك ببندقك أحتزمت
وقلت السلام أختام وأنته ما سلمت = واللي عقد روس الحبال يحلها

[TABLE1="width:95%;"]

بيض الله وجهك

الله يعطيك العافيه
لاهنت بارك الله فيك

رائعه0000000000