انااعرف ان الجمال جمال 00محاورة الرحال والجمل

الرحال =
انا اعرف ان الجمال جمال=وانته جمل والجمل معروف
سلام يقطع لـك الأميـال=ينصاك كلفت به مكلـوف
الجمل=
وانا اعرف ان الرجال رجال=وانت بطل والبطل موصوف
ترحيب بالشاعـر الرحـال=ما عبرتبه جمل وحـروف
الرحال=
اصب لأهل الوفى الفنجال=غرام وابهـره بحـروف
واوقف تحية ادب واجلال=للى لعذب الغرام وقـوف
الجمل=
راعي وفاء ماعليك جدال=وحسابكم عندنا مصفوف
مادامت القيل بين اجيال=كلن يبا يستمع ويشـوف
الرحال=
من منهله عذب عال العال=نارد على عده المألـوف
ومادام قابلت لـى خيـال=سعيد حظى حسب ماشوف
الجمل=
ياعد جاك المزن همـال=ماهو مكرر ولا مردوف
الليل هات المثل فالحال=لاعاد تسعى بنا وتطوف
الرحال=
لى جرح من جارحه لازال=ينزف الم فى صميم الجوف
ورانى الويـل والأهـوال=وعيا بحال العليل يـروف
الجمل=
لاتترك الجـرح للاهمـال=وتعيش بين الرجا والخوف
ابحث ودور يمين شمـال=عن حالته لاتقف مكتـوف
الرحال=
السعى ماغاب عنه البال=بالجهد ياصاحبى محفوف
لاكنهـا خابـت الآمـال=فالطب والساير المعروف
الجمل=
شرواك ماهو قصيرحبـال=ولابد راع التعب مخلوف
واللي تبصر لقي مدخـال=لو كان دون المرام حتوف
الرحال=
اشكرلكـم راقـى الأمثـال=يامن بحرف الغرام تنـوف
ولك اتمنى بطيـب الفـال=وصل الهدف ماده المهدوف
الجمل=
مازود عن طيب الافعـال=اللي بعرفه يقود صفـوف
والشكر لاهل المحل يقال=واللي لفوا فالمحل ضيوف

*منقول من منتدى نخبة الشعار

محاوره رااائعه
بين شاعرين لهم وزنهم في هذا المجال
ولايستغرب منهم الابداع
شكرا على النقل ياابو يزيد

شكرا على المرور العطر

تحياتي ابوعمر

صحت السنتكم هنا وهناك

تقبلا تحيتي وتقديري واعجابي

سلمت يا ابو يزيد

صح لسانك و لسان الرحال

و بيض الله وجيهكم

لحن راقي برقي فكركم و حضوركم الجميل

و الله يعطيكم العافية

صح السنتكم ..محاوره جميله جداا ..يعطيكم الف عافيه بارك الله فيكم

محاوره راقيه ورائعه بين عملاقين من عمالقت الشعر والمحاورات صحت السنتكم وبيض الله وجيهكم

محاوره رااائعه
بين شاعرين لهم وزنهم في هذا المجال
ولايستغرب منهم الابداع
شكرا على النقل ياابو يزيد

انا اعرف ان الرجال رجال===وانت بطل والبطل موصوف

صحت السنتكم 000

مبدع ياجمل دائمااااااااااا لله درك

سلمت

يا ابو يزيد

صح لسانك و لسان الرحال

و بيض الله وجيهكم

لحن راقي برقي فكركم