أذكـــــــــرو الله ...

صح لسانك يالافي وصح لسانك يابو يزيد 000لله دركم ابدعتو رغم سرعه الردود وقوتها ولكن نظرا لوجود المعني اكتسبت هذ المحاوره القوه والجمال000في النهايه لعبكم لعب الكبار الله يوفقكم000

أشكر جميع الاخوة الذين شرفوا هذه المحاورة

وشكرخاص لاستاذنا وحبيبنا وشاعرنا القدير لافي 00أبوهاني0
الذي كان كعادته لماحا ذكيا يقرض الشعر للشعر
سريع البديهة والرد00حقيقة اللعب معه استمتاع
فله منى كل الود والتقدير

لافي=
في الأولة نذكر المعبود= الواحد العالم الستـار
ثمَّ نصلي على المحمود=الهادي الرحمة المختار
قابل البشري=
ذكرت ربي بدون حـدود =وصليت على الرسول البار
من بعدها ياعميل الجـود=فصل لنا نشـرة الاخبـار
لافي=
مأجور من واحدٍ موجـود=المطلـع عالـم الأسـرار
ومن قبل لانبتدي ونعـود=عطنا في الأول علوم الدار
قابل البشري=
وانته بفضله عليك يجود=الرازق الواهب الغفـار
لوكان عندي خبرمعدود=ماسألك ياشاعر الشعار
لافي=
حديتني أرفع المـردود=وقربتني يم خط النـار
وأنا على حالي المعهود=مقابل الطار والمزمـار
قابل البشري=
ماانته على قافنا محدود=نعذرك ياطالب المعذار
الدرب لاتجعله مسدود=ولساعنا فأول المشوار
لافي=
مرت عليهم ليالي سـود=عند الذي ينكر المقـدار
واليوم أمسوا عليه شهود=ما تعرف أن الزمن دوار
قابل البشري=
مادام ماجابوا المنقـود=وبعد الوفا جاهم الانكار
وفوا وتكميلهم مشهود=ويبقون عند الكبار كبار
لافي=
أشوف سيف النقاء مجرود=ورديت معي اليمين يسـار
خايف رفيع المقام يـرود=وينوبك اللوم في اللي صار
قابل البشري=
ماهاب قلبي صخرجلمـود=وعندي طوال العلوم قصار
لكـن لاتغيـر المقصـود=وتدق بين العرب مسمـار
لافي=
أنت فهد من رجال فهـود=والعبد ماله عـن الأقـدار
لكن تراها العلـوم مهـود=وطاب اللحن يازبون الجار
قابل البشري=
ياصاحبي ماعليك نزود=وانته مخير فماتختـار
وكل ذي نعمةِ محسـود=قول ِ فصل ماعليه غبار

الحقيقه محاور ه سريعه ورائعه بين لافي وقابل

فى وقت قياسي0000

وصراحه اخذت طابع مميز ومن يقراءها يتفق معى على تميزها000000صحت السنتكم