مواقف قبيلة حرب

	المشاركة الأصلية كتبت بواسطة حسين مريع العبيدي

	بديت القول باسم الله وذكر الواحد المعبود = وأباعد الامانة واحترس من نقصها والزود = وانا مسئول عن علم بقوله في قوافيها والخص لك كلامي في قصيدة محكمة بحدود = وتراك المستمع ميز كلامي وانت قاضيها واعبرلك عن الماضي وبا ذكر عهدنا الموجود = وياكثر الفوارق بين حاضرها وماضيها ترى عهد مضى سلب ونهب وفاقد ومفقود = وياما راحت انفوس برية دون عانبها وفقر وجوع وامراض كثيرة مالها معدود = تجي عدوى وتفتك فالعرب ماحد بداوبها سبيل الحاج يقطع ثم يمنع عدها المورود = وحكم للقوي والضعف راحوا في مواطيها وجا عهد السعود وجت سعادتنا مع ابن اسعود = وزال الظلم عنا والعرب راحت شكاويها توحدنا وصرنا اخوان لاحاسد ولا محسود = يوحدنا الوطن والدين في جملة معانيها طلع عبد العزيز ونورت كل الليال السود = نعم صقر الجزيرة يوم جا وحد ضواحيها وساد الامن في كل البلاد وظلها ممدود = وسماها السعودية وهذا الاسم مغليها وعززها بعزه واحتماها باشهب البارود = تسالم من يسالمها وتقهر من يعاديها قضى عمره وهو قايد مسيرة ماعليه اقيود = امور الحكم راس الصقر كاتبها وقاريها وجو بعده عياله واسلكوا منهج هذاك العود = اسد عقب اسود مثل ابوها اللي مربيها عيون ساهرة بالليل يوم ان العباد ارقود = رجال في مصالح شعبها تسمع عزاويها رجال في عمار الدار تبذل قاصي المجهود = وخلوها منارة والمصالح كلها فيها وحنا بعد شفنا عدلهم نطلب محل الجود = يقويهم وينصرهم ويكفيهم بلاويها = هدفها السمعة الزينة وهذا الفخر يكفيها قبيلة حرب في كل المواقف ماعليها زود = ليا ما أحتكت العيدان وين اللي يجاريها ليانادى المنادي كلهم لابن سعود اجنود = نسوق الدم والروح العزيزة دون واليها ترى طاعة ولي الامر عندي غاية المقصود = عليهه الامر والتنفيذ منا في قوافيها ولانشقر عصا الطاعة ولانمشي ورى ا لمجحود = نبي جبر العصا والتفرقة تبقى لاهاليها اقول القول يوم انتم على علم ذكرت اشهود = ترى اللي عاهد الدولة عهوده لزم يوفيها وحنا مانبى المفسد ولاله فـالبلاد اقعود = ومن يعبث بأمن الدار ماله مجلسٍ فيها وترى كل القبايل حسب ظني فيهم المعهود = مواقفها شريفة مع حكومتها وراعيها عسى الله يلعن ابليس اللعين ويخزي المقرو د = ولايتبع ابليس الا نفوس ابليس مغويها وصلاة الله عدد من سار فالبيدا سهل وسنود =على محمد وكل اللي على دينه يصليها

اخي القديرحسين مريع العبيدي

صح السانك مليووووووووووووون

وبيض الله وجهك ورفع قدرك وشانك

تسلم تسلم ياالذيب على الابداع الاروع من رائع

عساك سالم وغانم ياالغالي والله يعطيك الصحه والعافيه

وتسلم على ابداعاتك الاجمل من الجميل معنى ومغنى الله يسلمك

اسجل مروري واعجابي على هذي الدرر الشيقه والاروع من رائع

تقبل تحياتي وتقديري