شد حيلك يالزغيبي واحتزم فوق العبية

شد حيلك يالزغيبي واحتزم فوق العبية=والعرب كلن مواقيفه تبرهن مايقوله
واحمد الله لااحتمى الميقاف والنية مطية=انطح الحراب لامن الوغا دقت طبوله
والله اني ماتحرك غير معي المعنقيه=فوق صفرا تزمل الخيال لافحج رجوله
وثنا للاه لاجات العلوم الدعوجيه=حضنا دايم كبير الياهرج ولد الحموله
قدمك العربان كلن في يدينه بندقية=لاتطشك بين روس القوم صفراك الجفولة
والله ان علومنا ياصاحبي ماهي ردية=وانت مثلك يالزغيبي مارضينا في نزوله
العرب قدمي وقدمك نارهم للحرب حيه=لاتبرد هقوتي في جيت اللي صفقولـه
مانشكك في علومك ونت وزني برعيه=والحذر ثم الحذر ويش الكلام الي تقوله
يالزغيبي قبل مدة صارلك روحة وجية=قلت أنا ماهو بغازي لين شفت الزول زوله
صاحبك وقت المواقف وقفته تحمى خويه=والكلام اللي سمعته والله انك صرت حوله
الردي ماريته لاجاك جالـك فـي زريـه=مايجيب الي تسجل في ميادين البطولـه
لاكن الصبح لاتشب النار وتصير الضحيه=الرجل يعرف طلوعه قدم لايعرف دخوله
لو مدحتك قالوا العراف ماهي واقعية=كيف ياخذها عليكم ورع في سن الطفولة
طبق امثالك على واقعك يازين السجية=لاتهقوى في جبل ويديك ماتقدر تطوله
وبك انا موحيت صوتك لابذيك ولابذيه=كن يمناك الكريمه يبهق العين معقوله
الحيا دنت رعوده من مزون العقربيه=ورتكز برقه وهلت فوق ميدانك ثعوله

شكرا على جهودك

محاورة قوية

صح لسان العملاق و البدراني

صح لسان العملاق و البدراني

الله يـعـطـيـكم الـعـافيـــــــــــة على المرور
بيض الله وجيهكم

صح لسان البدراني شاعر جزل ومن الطراز الاول وصح لسان غازي الزغيبي شاعرنا العملاق وكل محاوره يكون طرف فيها تجي جزله راقيه وممتعه وشهاد تي في ابو طلال مجروحه وسلمت يمينك يالحب الباقي على هذا الاختيار لاهنت وتحياتي لك وللشاعرين وللجميع

الله يـعـطـيـكم الـعـافيـــــــــــة على المرور
بيض الله وجيهكم

محاوووووووورة

أعجبتني بكل صراحه

وهي قووووية النعنى