قال الذي مامعه خبرة

	المشاركة الأصلية كتبت بواسطة لافي

	تسلم وأجل خذ بلا مهونة لا ياجمل عند الحمول الثقيلة=مايبرك الا للحمولة جملها ولاكل من يقدر طلوع الطويلة=ولا تُعرف الضفران كود بعملها أن أشهد أنك من عيون القبيلة=وأنت عريف الدار وأنت أملها ميقافكم يشفى القلوب العليلة=وأنتم عيال الدار وأنتم أهلها يوم العميل أقفى وخلَّى عميلة=معروفكم كل القرابة شملها وإن جات من جاهل ولو هي قليلة=عقالها تدفع خساير جهلها

صح لسانك يابوهاني 00وأنت من أركان هذا الملتقى بلاشك
اليك ردي على أبياتك مع التحية

ابشرعشانك حملها نرتكي له=تعطي جبل ولا تلقي سهلها
ولاازود عن راع الوفاوالجميلة=اللي فعول الطيب دايم يصلها
حرن مأصل من رجال الحميلة=فعايله ردت على من سألها
نحسب حسابه وان دعانا نجي له=ونمشي معه في خطوته لابذلها
والعارفة ماظن يبغى دليلة=اليا توكل باذن ربي عقلها
ولا الجهل راعيه مافيه حيلة=بيديه ينقضها بعدمافتلها