العرف والمعروف صعب احتكاره

يقول من له بالمعاني مهاره=وليا زهم للقافيه تستجيبي
اليا كتب يكتب صحيح العباره=وان قام بالماقف يخصم الطليبي
ويا كثر من مثله على العز ناره=يا معشر الشعار ما اظلم نصيبي
كلٍ مع الجمهور يلقى وقاره=والحض يمرض بالزمان ويطيبي
العرف والمعروف صعب احتكاره=وحلاتهن للرجل قبل المشيبي
لاتعلم الصقار فن الصقاره=واسأل مجرب لاتسال الطبيبي
هذاولي يم القصيد استداره=من عادتي ما تكشف الناس غيبي
الشعر في معناه فن وشطاره=وحبكه على الشعار ما هو صعيبي
ياجب على الفارس يعسف مهاره=ليومٍ منه روس الصبايا تشيبي
الي على ساسه يقوم جداره=وان ناقشوه الناس ماهو حضيبي
اليا هزم غاره تصدى لغاره=لاصار متواضع وعاقل واديبي
ما ضاق من شعره خويه وجاره=ولاجرب الحربه بجنب القريبي
يعجبك بالمنطق وبلاستشاره=رايه ذخيره بالزمان العصيبي
هذا هو اللي يستحق الاماره=لاهل الادب واهل الكلام المصيبي
وهيهات يا شعرٍ ثقيلٍ عياره=في وقتنا ما جود مثل الغريبي
الشعر يا شعار غيَر مساره=يشكي صوابه من يشيل الصويبي
احدٍ يبي منه الطمع والاثاره=واحدٍ يقول افلان ليش يحكيبي
وليا حصل له فرصةٍ دق زاره=ويقول جبت الشعر كله بجيبي
كيف النشاما ميزته من بهاره=ومن يشرب الصافي يعاف السريبي
تم الكلام اللي رفيعٍ شعاره=وعسى الاشاره يفتهمها اللبيبي

صح لسانك يأبو فارس

بيض الله وجهك على القصيدة الجزلة الرائعة

بيض الله وجهك يابوفارس
كل ماقريتها ازددت بها إعجابا
ماتذكرني إلا بشعر العمالقة
كفيت ووفيت

الشعر يا شعار غيَر مساره = يشكي صوابه من يشيل الصويبي
احدٍ يبي منه الطمع والاثاره = واحدٍ يقول افلان ليش يحكيبي
وليا حصل له فرصةٍ دق زاره = ويقول جبت الشعر كله بجيبي
كيف النشاما ميزته من بهاره = ومن يشرب الصافي يعاف السريبي
تم الكلام اللي رفيعٍ شعاره = وعسى الاشاره يفتهمها اللبيبي


صح لسانك اخوي و عز الله صدقت
جزله من جزل

قصيده ذات معاني ساميه

امتزجت بالحكمه والجزاله والرصانه

كان عنوان المشاركه مبهرا

وفحوى القصيده مدهشا

صح لسانك شاعرنا / علي الحصني

ارق التحايا

بن عياد الغيداني
ومشكور على مرورك وكلامك الجزل والله يوفقك يوم الجمعه

الاخت الشامخه مشكوره على المرور المشرف
والكلام المشجع لاهنتي

الشاعر ه
حــــــــــــــــنان الـــــــــــحربي
مـــــــــــشـــــــــكوره جزيل الشكر على مرورك المشرف
وكلامك المشجع وهني قراتك للقصــــــــــــيده كما يـــــــــــــهمني التعلق ونقد

صح السانك وبيض الله وجهك على هالقصيده
شاعر يملك الاحساس والمعنى
ابيـات تستقـى روعتــها مـن معينـك وجمـال لا يعـرف ابجـدياته ســواك
جزله ووافيه وهذى سمة فى قصايدك .. دام مداد قلمك

جريح الشوق
اشكرك جزيل الشكر
على كلامك الوافي اذي يدل
على حسن ذوقك
ويشرفني ويسرني كل ما قلت لاهنت يا غالي