ياصقر دايم نشوفه فوق............................... صقر المقرح

سلام مثل العسل.. بالذوق=والمقرح اليوم مقرحنـا
ياصقر دايم نشوفه فـوق=ولو ينزل الصقر كدرنـا
ياصاحب المركز المرموق=طــارئ مـكــدِّر خـواطـرنـا
طوّق علـيّ الفـؤاد بطـوق=ونرجـو مــن الله يصبّـرنـا
الطيـب منـكـم لـهـم مسـبـوق=بـالـطـيـب تـمـلـكـه وتمـلـكـنـا
وراع الخسساسه بلا مرفوق=وحـيـد عـايـش فـــي دولـتـنـا
أبـغـاه يـركـد كـــذا ويـــروق=الـــلـــي يــســويــه حــيّــرنــا
ما هو من العُرف والمنطوق=خـــرّب مــزاجــي وعـكّـرنــا
أعرفك صادق ولك مصدوق=لــذلـــك أرجـــــوا تـجـاوبـنــا
ماهو سبـب علـة المحـروق=يـاسـيـد الـحــرف صـارحـنــا
ماني على مودّته مطـروق=مـثـلـه مـخـالـف لـسـايـرنـا
ما نرتجي من سماه بروق=نـبـغــاه يــولــي يـغــادرنــا
مادام خالف عليه حقوق=ومعروف للناس مذهبنـا
الباب خلـه لهـم مـدروق=يمـكـن يـعـاوود يوالـفـنـا
اللي في مثلـه اكيـد يـذوق=طعـم اللبـن مـن حضايرنـا
يجيـه حجـم العنـا مطبـوق=ويمشي على مثل ما سرنا

يا سلاااااااااااااام ... يا سلاااااااااام ... يا سلااااااااااااام

اسلوب جميل ... مفردة سلسة ... غوص في المعنى

رمزية ايحائية

ابو محسن ... ابو هيثم

سلمتم و صحت السنتكم و بيض الله وجيهكم

على هذا اللحن الراقي و الجميل

لحروفكم منبع الابداع .. و لابداعكم تعجز الحروف عن الوصف

لذلك أسجل اعجابي الشديد و اللا محدود

و الله يحفظكم و يبارك فيكم