ديوان الشاعر سالم ضعيان السامود المخلفي

بسم اللذي لأمره نصوم ونصلـي=اللي خلق كل النفـوس وكفلهـا
بديت في مـردود خـطٍ وصلـي=ماجابـه المرسـول ودى بدلهـا
يامرحبا مـن خاطـرٍ مسفهلـي=برسالت المرسل وباللـي حملهـا
رسالـتٍ طالـع بهـا مرسللـي=طرايفٍ عن كـل مدخـل قفلهـا
يقرب من الزلـه وهـو مايزلـي=وينشد عن القصه وهو ما جهلها
يقول انا بنشـدك ياصـاح قلـي=وش غيّر العذرا وسبـب زعلهـا
وشلون تنشد وانت ياطالع اللـي=تقودهـا بخطامـهـا وتعقلـهـا
وانا ماعرف اللي ماهو واضح إلي=والبنت يدفن سرها عنـد اهلهـا
وبالله ياطالع لـو انـت امحلـي=وانا راع الدعوى واقول انت قلها
انتـه تزيـد العقـد والا تحلـي=للـي يـزود كحلهـا فـي عللها
ويابو طلال الهرج كثـره مملـي=وكلٍ يموت وغايته مـا وصلهـا
ودنياك هـذي يازبـون المتلـي=مافيه مخلـوق سلـم مـن زللها
تدرج رحاها فـوق رمـان بلـي=على البشر يقفي ويقبـل عجلهـا
تقبل بناس وناس فيهـم تولـي=جيلاً رحل منهـا وجيـلاً نزلهـا
يرتاح فيهـا قلـب ثـوراً مفلـي=اللي مواجيب الرجـال اعتزلهـا
من نعمة الله دايـم البطـن فلـي=ولا حاذفٍ حذفـه ولا محتملهـا
ولو ينقطع وارد رضـا بامجلـي=والله ماغيره على الزقـم اكلهـا
يصيبه اللي صاب راعي حولـي=تضيق فيه ابحورها مـع سهلهـا
ويابو طلال الناس الايـام ذلـي=معاد يعرف عورها مـن حولهـا
وقت الفضا والعولمـه والتحلـي=فيه امتساوي روسها مـع ذيلهـا
ماراح من عمري ماهو راجع إللي=والنفس يعلم من خلقهـا بأجلهـا
ماهمني كم بالعمـر باقـي إّللـي=واللي عوج بعض الامور أيعدلها