ديوان الشاعر عبدالعزيز الزويهري

عيني بكت عين تبكينـي=الياعهـا داهـم الياعـي
و ان قلت يالعين يكفيني=زاد البكا و زادت أوجاعي
وضعك مؤثـر ومشقينـي=ومن سقمكم صرت ملتاعي
وحسب اعتقادي وتخميني=لابـد للعيـن ماتـراعـي

لما اتصلبي حسين اللون=ضيّعت دربي و عنواني
أمسيت كنّي بدون اعيون=و لعالم الشـوق ودانـي

كما جرت العادة في اجتماعنا الاسبوعي أو بالأصح (شبه اسبوعي )
أن نلتقي و يدور فيما بيننا لحن جماعي .
و قد سبق هذا اللحن بدع و رد سريع و على الطاير خفيف و طريف
بيني ( عبدالعزيز الزويهري مع فواز و بيان الصمت )

قلبي على شاشـة التلفـاز=و انتم عنه ليـه تنهونـي
وش هو حصيله على برواز=من دون فاتـن و مفتونـي
شيطانكـم للفـرص نهـاّز=سهّل لك امجون و اضنوني
يرسل شرارة بمجال الغـاز=و القلب بالشوف مرهوني
سلام بالورد لكم يا أخوان=مبداه صافي عسل معسول
مخصوص جينا لكم ذهبان=نبحث لورد الفرح مدلول
يا مرحبا بأعذب الخلان=منا لكم و الغلا موصول
نبدا سوى ننشد الألحان=و الورد يبقى لنا مرسول
عسى البقا و الوفا عنـوان=نمشي معاكم على المأمـول
للورد منظـر يهـز أبـدان=باحساس خارج عن المعقول
من بادي الوقت و الازمان=الورد له فالنفوس اقبـول
لكن من اللي نشوفه الأن=ما يشفي الخاطر المعلـول
أصل البلا داخل الانسـان=و الورد باقي على المجبول
يا كيف ورد الفرح ينهـان=و يعيش بين الزهر مذبول
من خلقة الناس و الأكـوان=للناس فيما تشوف اعقـول
ما عاد نبته على مـا كـان=بعد اختلف و الزمن مسؤول
ما زال باقي جويـد أغصـان=و احنا على اللي نبيه انطول
الخـوف يتأثـر الـوجـدان=لو جيت ابقطف من المحصول
خذها نصيحة من الفهمان=لا نختلف و الكلام يطول
يا كم له الورد من ألوان=تبرق و فيها الشذا مقتول
ما زال في المسألة برهان=يلزم لبعض الأمور احلول
ورد الجبل عالي الميـزان=و اللي بقاع السهل مخذول

يا هلال ليت النصر خصمك=البارحه في ملعب الفيصل
ما كان لون الذهب قسمك=نلقاك في اللعب تتنيصـل
لاشك مخدوع في علمـك=جاك الخبر سطوة الفيصل
كم يوم فيه النصر غمـك=ياللي بمبروك تتفيصـل

نظرة عن حدودهـا امتـدت=اعتادت المنظـر المبهـور
من يمنع العيـن لا لـدت ؟=و الطرف في مشاهده مجبور
من دونها جيوش لو عدت=وركاب ابو جعفر المنصور
لاهبـت العيـن لاهبـت=ما للملك فالبـلاد قصـور
نظرتـك مــن قـلـب وارتــدت=عن أمر في صفحته مسطور
تبقـى لـو ان الـعـرب شــدت=ما يردها العرف والمحضور

سؤال و أطلب افاده فيه=سؤال صادر من الأعماق
سؤال حاير لكـم يبديـه=ليه الهوى يتعب العشاق
لجل البصر يحتري طاريه =والقلب زود له الخفاق
جيران وكل(ن)يبا يرضيه=وليا حضر قطعوا الميثاق
هذا الهوى مدرق خافيه=مالك ولايملكه مشتـاق
ضحيته دائمـاً يرجيـه=والأه ماله عنه مدراق
جواب للي سأل نهديـه=جواب من للمحبـه ذاق
درب الهوى لوشكى راعيه=مره يذوفه كما االتريـاق
يا مشتكي حال مـا تقويـه=أثر علـى قلبـك الخفّـاق
حلاوة الـود فـي قاسيـه=و راعي الهوى للتعب ذوّاق
هيا استمع نصنا و أوحيـه=ياللي من الود صدرك ضاق
الود طبعه كـذا يـا بيـه=منه سلك مسلكه مـا راق
يا صاحبي هم لا تهديـه=تلقى اجابه بـلا ميثـاق
تفصيل ما للهوى توجيـه=تأكيد ما في الهوى اشفاق
جواب مني لكـم بمضيـه=لجل الهوى مصدر الأشواق
و الشوق لنه غلب راعيه=يحمّله حمل مـا ينطـاق

حسب المعاني لكم خطيـت=كسرة مـن القلـب منشاهـا
أسبابها يا عـرب يـا ليـت=يا ليت و يا ليت ما أقساها
يامرحبـا عـد مـا سويـت=أبيات جزلـة فـي معناهـا
وياليت ماعمَّرت لك بيت=والا اعتلى فـوق مبناهـا
خطوات وانتا لها عديت =محدن غفاكم وسواها
مكسبك غلطه بها لديت=فالغد تحذر نـــواياها

لحن قديم بيني و بين فواز الزويهري

يا سادة الود وأربابـه=أفتوني فالود كيف يكون
ود الكبيرة مع اتعابـه=يفوق منه لبان اسنـون
الود قاسي على أصحابه=يجعل صحيح العقل مجنون
اما حسب غاية احسابه=تلقاه تحت الثرى مدفون
الـود نبذلـه اسبابـه=مافتيتني بالهوى مطعون
الجرح زدته على مابه=ياليت من نارنا تصلون
الصبر يقفل لك أبوابه=داوي جروح الهوى بالهون
قبلك شكينا من أنشابه=و ما شفت مثل الصبر مضمون
الصبر في حالتي إعرابه=مفعول مطلق ونصبه نون
إن كان عندك بعد جابـه=هات الدوا بالدوا ممنون
بسياسة الود و اخطابه=سايس أمورك معه بفنون
ان صد و أقفى عن اعتابه=انساه لا يتركك مسجون
سـاس البلـى ناشـر كتـابـه=مسموح لي والعرب يهبون
أصل البلى الوصل نكوابـه=الوصل يقتل كثير اشجـون
شوف القمر لا بدا اغيابه=الليل موحش و ما له لون
الوصل كل تغنابه=و اللي فقد ذا الوصل محزون
شوف النحل واذكر اعجابه=بالوصل يا صاحبي ينفـون
والرعـد دوَا لنـا خطابـه=في لحظة الوصل بين مزون
أشوف ودك وسط غابه=خارج عن النص و القانون
اللي في وضعك مع أحبابه=يبعد و بكرة له يحنون
يا صاحب الكحل فهدابـه=أعميت عينه بمسح النون
الـبـعـد مــحــدٍ تـهـقـوابـه=الموت في بعدهم مسنـون
غريب أمرك من أقرابه=كنهم على ودكم يلهون
ثوب القسا البس اثيابه=لعلهم بالقسا ينهون

هذه الكسرة لفواز الزويهري

يرثي بها أحد أبناء العمومه

سجلت بالمنتـدى تعبيـر=من قلب صابر على مصابه
بالآمس غالي نعاه الطيـر=واليوم غالي طـوى ثيابـه
يالله ترحـم هـل التقديـر=ارجال فـي فعلهـا ذيابـه
ارجال شادت مزون الخير=مامنهم اللـي قفـل بابـه
صحيح فقد النشامـى غيـر=و القلب يلوى من مصابـه
في فراقهم صابنـا تكديـر=ما ألوم منـه شكـا مابـه
دروبنا نفـس خـط السيـر=و الله مـا عنـه مجنـابـه
ادعي و غير الدعا ما يصير=مـا دام ربــي تـولابـه

هذه الكسرة لفواز الزويهري

يرثي بها أحد أبناء العمومه

سجلت بالمنتـدى تعبيـر=من قلب صابر على مصابه
بالآمس غالي نعاه الطيـر=واليوم غالي طـوى ثيابـه
يالله ترحـم هـل التقديـر=ارجال فـي فعلهـا ذيابـه
ارجال شادت مزون الخير=مامنهم اللـي قفـل بابـه
صحيح فقد النشامـى غيـر=و القلب يلوى من مصابـه
في فراقهم صابنـا تكديـر=ما ألوم منـه شكـا مابـه
دروبنا نفـس خـط السيـر=و الله مـا عنـه مجنـابـه
ادعي و غير الدعا ما يصير=مـا دام ربــي تـولابـه