قصيدتي في حفل قبيلة حرب بالكويت

صح لسانك ياجوهر على كل حرف نطقت به


وانشهد انك كفيت وفيت يابو غالب والله لايهينك


فماهي غريبة عليك مثل هذه الدره الثمينة اللي اتحفتنا بها


فلك مني جزيل الشكر والتقدير

بدعت بكل ماتعنيه الكلمه


هنا لشموخ والشعر حضور قوي

الشاعر العملاق
جوهر انت شاعر كبير وذو باع طويل في الابداع والشعر المميز ولا اقدراقول الا
مشكوور ياجوهر على كل ماقلت ِ ************ بالجوهره الاوله والأخيره

المعاني من ضميري قـدح زنـدٍ مـن فتيلـة
.....................سامحوني في قصوري كان بعض القول عايـل

الشاعر المميز
جوهر الحربي
..
كالعادة حضور مميز
ومسكون بالعذوبة والإبداع
ومايجي منك قصور
قصيدة جزلة من شاعر جزل
صح لسانك وبيض الله وجهك
ودمت بفرح وسعادة

	المشاركة الأصلية كتبت بواسطة جوهر الحربي

	مـرحبا ترحيبةٍ بأســم القبيلة بالقبيلـة=عـد ماتكتب ماتكتب سجلات الصحايف والرسايــل وعـد ماساقت ذعاذيع الــهواء نو المــخيلـــة=وعــد مابان الزهر بالروض واطراف المســايل مــرحبا بشيوخ حرب اهـل المقامات الجلــيلة=مـــن فضاء طور الحجاز ليالكويت وطور حايـــــل قــادةً للربعتين ولايحـوشون الفشيلــــــــــــة=المـــبادي سامية والدين محمود الفضـــــــايل مــرحبا فيهم بحــفلٍ كـل حربي ينتمي لــــه=جامعٍ للعزوتين وشامـــلاً كل القــــــــبايل والله يحــيي جــميع الحاضرين ومن يجيلــه=بأسم حرب آقف وحيي بالجميع مـن الحمـــايل لابـةٍ فـي فعلها وبــقدرها دايم ثقيـــــــــــلة=ولايجــوز المــدح في فـعل الرجال بــــلا دلايـــــــل والــدلايل سابـقة والصـدق معـروفٍ سبــيلة=والمراجل ماتجي بالـــهرج ودروب التحــــايل والمـنابر تشــرح التاريخ وتــبين حصيـــله=والصحايف تحتفظ بالسابقات من الفعايــــــــــــــــــل فـي ثـرى شبه الجزيرة كـل شعبٍ له فضيلة=والمواقـف تختلف بالمعجزات وبالجمايل والثلاث البيض هـن فرق النشاما والوسيلة=ومـن جهلن راح مالــه مع هـل القمة عقــــايل كد ذكرهن تركي ابن حميد قبل يموت جيله=باقياتٍ للرجال وعامـــــــراتٍ بالنفايل ومتعب الديري بجمع الشمل ماننسى جميـله=عـادةٍ لـه مــــن قديم الوقت محمود الخصـــايل وكان ميزان الامانة ميزه عدله وميلــــــــه=هاك مـــن فــعل الحروب اللــي فعايلهم هــــوايل منهم اللي قل من يوجد مع العالم مثيلـــــــه=صاحب اكــبر معجزة في نــجد يـــوم العــدل مـأيـل ستةٍ من روس ربعه قصهم بثرى دخيلـــــه=والحــق الستة ذراع الخال مــن حــر الــــــــغلايل قصة نويشي من علوم الرجال المستحيلـــة=ولايــــسويها مــن اهــــــل المعجزات الا القلايل والبلالي يوم ضاق وشاف مابيديه حيــــلـة=قــدم الـــروح العزيزة واتقــى شـر الحــــفايل افتدى جاره بروحه واعلنت حايل رحيلــه=كــلها مــن شــان مايكسب علــى ربعــــه فشايل قال هذا ابني ودونك عمري الغالي بديـلـه=اذبــحوني فـدوةٍ له واطــــلقـوه مــــن الحـــــبايـل العزيز يموت شامخ والردى مايستويلــــه=يــرحم الـله مـــن تسامت عــزته لـوكـــان زايــــل والذويبي له علوماً مع هل الخوة طويـــلة=غـير دوره بالكرم يعــطي ومـــــداته جـزايـــــــــل وابن ناحل من حلاله مد ماخيب عميلـــــه=غـير مــــاحاشت يمــينه يـــوم حــومات الدبايــــــل قالها عبيد الرشيد وبين الفعل بدلـــــــــيلـه=بعـــــد ماغنـى وهيــجن فـــي جـزيلات المـــــثايــل وابن حبيتر يوم وقت الجوع والدنيا قليـله=فــي فــــقارة نجـــد يعطي من نصى بيته عدايل يوم راع الزاد عيا بالثمن باع الكحيــــلة=فـــي عشاء ليــلة وصارت سالــفة مـع كــل قايل الكريمة لو حداها الفقر ماتصبح بخيـــــلة=عـــادةٍ مــن جودهـــا ماترتضـــي مــد الهزايـــــــل قلتها بمناسبتها ماكتبت الشعر عيلـــــــــه=والـــهدف ذكــر المناقـــب مـــن فعول من شمايل المعاني من ضميري قدح زندٍ من فتيلــــة=سامــحوني فــي قــصوري كـــان بعض القول عايل ماهضم حقوق القبايل والشعر ماني وكيـلة=والـــوفاء شــئٍ مــن الــــله بالشــعوب وبالقـــــبايـــل [/poem]

ماشاء الله تبارك الله

اخي جوهر

انت جوهر

ونظمت عقدا من الجوهر


تحياتي وتقديري

جوهر الحربي


لله درك ....... على هذه الدرر

قصيدة جزله ... و غير مستغربة على شاعر بحجمك

تم تمييز القصيده من قبلي