أزهم على الجوااال وأزهم على البيت

السلام عليكم ورحمة الله وبركاته
أسعد الله أوقاتكم جميعًا
أبيات متواضعة لعلها تنال إعجابكم.,,

أنا بالأرطاوية وجاي من هيت= أبغى القصيم وربك يكون بالعون
رحال ماني مع قنوص وكواشيت= أتبع هوى وضح ن بها صرت مجنون
كانك تبي تنشد عن الحال حييت = أنا بخير ولأهل الطيب ممنون
ولامن جدايد غير قاف ن على (ايت) = يوم ان .................
وشغلت لي بمسجل الجيب كاسيت= غناء محمد عبده وفرقة فنون
وكتبت لي بك يأتلع الجيد كم بيت= تعنيك يالمجمول معنى ومضمون
البارحة في تالي الليل دقيت=على الحبايب مار عيوا يردون
أزهم على الجوال وأزهم على البيت= حتى الخدم مايرفعون التليفون
يانور عيني كان دوبك توريت=على فراقي لاتسارق على هون
أنا ترى مااقبلت كان انت مااقفيت= مانيب من بعض المواضيع مغبون
خذ الحقيقة كاش مادامك ابطيت= تراك معي من أول الوقت مديون
أطلبك وتماطل بحقي ولا اوفيت= موعد على الراتب وموعد على الشون
النفس طابت منك مره وأنا أجزيت= مقفي ترك مقفي ولا عاد يلفون
أثًر خريفك في ربيعي وحتيت = خضر الورق وأيبست من فعلك غصون
استوحشت منها الحمايم وغنيت= واستقبلت صوتي وغنت لي لحون
ياذا الحمام اللي لأجل خاطري جيت= مااعذب هديلك لكن القلب مشحون
ماعاد لي قدرة تحمل وسمًيت=أنويت واستهويت وأبحت مكنون
وللصوت بأعلى نايف الرجم جريت= فرقًا عليها العلم وابليس ملعون
النفس بتاعة وأنا ماتحريت = اجابة المقفين لوكان يوحون
لاخاب ظني بأي صاحب تهقويت = أفارقه بالوجه الأبيض ولايهون
طبعي كذا استغربت والا أقريت=ويبقى غلاه بداخل القلب مصيون
وشلون أببعث حي والا اقتل الميت=أبترك الصفحة من حروفي بدون
تاخذني العزة بإثمي وإذا جيت= قلت الغلا من الله وأنا مابيدي لون
اديار أقدر ناسها من سبب بيت= وإنسان أجافي من سبايبه مليون

وتقبلوا تحيات أخوكم /
أحــمــد بن نــاحــل

الناقد والمشرف احمد بن ناحل

صح لسانك وانا اخوك على هلقصيدة الأكثر من رائعة

ابيات في غاية الروعه

مِــدادكَـ .. غـشـاهـا .. الـ صـدق ..


وأحـاطـهـا .. الـ نـقــاء !!


صـ لسـانـكـ ـح ..


مــدد .. بـ .. لا .. عــدد ..


دمــتَ .. كمـا .. أنــت ..


بـ انتظـار .. الـ مـزيـد ..


أخي .. الـ كـريــم ..

شاعر المبدع احمد ابن ناحل
صح السانك مليون

اخذتها حرف حرف وعزالله قصيده ممتعه جدا ودخول للهدف كذالك

.
.
.
.
.
الله الله
على الإبداع يا أبن نـــــــاحل

البارحـة فـي تالـي الليـل دقـيـت=على الحبايـب مـار عيـوا يـردون
أزهم على الجوال وأزهم على البيـت=حتـى الخـدم مايرفعـون التليفـون

طيب ليش مايردون الله يهديهم ..... يمكن انك مزعلهم يا احمد هههههه
ما أقدر أقول إلا صح لسانك و بيض الله وجهك على كل ماتبذله من جهود في هذا الملتقى .... فاقبل خالص شكري و تقديري

صح لسانك يابن ناحل .. قصيدة جميله بما تملك من حس صادق
بيت بقصيدة :
اديار أقدر ناسهـا مـن سبـب بيـت
وإنسان أجافي مـن سبايبـه مليـون

حجز ..


لي عودة ..


قصيدتك يبغالها فضاوة ورواقة .. واقرأها ثلاث مرات على الاقل ..

ياسلام يابو متعب

قصيده من ذهب وتسلسل افكار جميل

سهل ممتنع

مدري اقول صح لسانك أو ادعي عليك

تقبل تحيتي وتقديري

صح الله لسانك
قصيده جزله من جزل
لاهنت وفق الله

النفـس بتاعـة وأنــا ماتحـريـت
اجابـة المقفيـن لوكـان يـوحـون
لاخاب ظني بـأي صاحـب تهقويـت
أفارقـه بالوجـه الأبيـض ولايهـون
طبعـي كـذا استغربـت والا أقريـت
ويبقى غلاه بداخـل القلـب مصيـون
وشلون أببعث حي والا اقتـل الميـت
أبترك الصفحة مـن حروفـي بـدون
تاخذنـي العـزة بإثمـي وإذا جـيـت
قلت الغلا من الله وأنا مابيـدي لـون


الله الله


صح لسانك يابن ناحل

الإبداع لا يستغرب منك ..


قصيدة جميلة ورائعة ..







اديار أقدر ناسهـا مـن سبـب بيـت
وإنسان أجافي مـن سبايبـه مليـون


هذا البيت يكتب بماء الذهب ..

لله درك ..