انكان سالم وابوسامي=يبغون دفتر بيان الصمت

ابوروان النويمي=
انكان سالم وابوسامي=يبغون دفتر بيان الصمت
عندي علومه وقدامي=للحين ساكت وماعلمت
بيان الصمت=
مشعابنا له دهر ظامي=وَلَام عجِّل لما قدّمت
لا تقول هذا اللقا دامي=ما اظن نقبل ولو سلّمت
ابوروان النويمي=
أيامكم كم . كم أيامي=أيامنا كم رجل فهمت
ياعود لا إدور الحامي=قدام شاب الشعر. سلهمت
سالم البشري=
ياهل اللبش جيت للزامي=ولاني مروّح بعد حضّرت
بسكين والفرد فحزامي=ومن بيتنا للقشر شمّرت
ابن خيرالله الردادي=
ياصاحبي جيتك الهامي=شفتك تحزم وبي لزمت
خابرك رجال عرامي=وانا معك مثلكم عزمت
لافي=
دام الطرب دق اسلامي=لاجات للذيب فاقة قمت
وإن شفت هب الهوى الشامي=أجيه لو كان ماكلمت
ابوروان النويمي=
عامين من بعدها عامي=مظلوم في حقهم ماظلمت
واليوم محكوم بعدامي=ياللي قرارك معي ختمت
ولد المقرح=
دخولها الحرب إلزامي ؟= ياخوك أزين لو استسلمت
أخاف تتكسر عظامي = ولو طحت فهالمعركه ما قمت
ابن خيرالله الردادي=
اسمع ترى عندي الغامي=بفجر اللي انا اتهمت
فزاع جونا بالكوامي=وانت السبب شوفني اقسمت
بيان الصمت=
ما اطلب أنا مثلك محامي=والكل جاهز ولو وهَّمت
يوم قلت مشعابنا حامي=قفيت حتى ولا تكلّمت
بيان الصمت=
سنين جيران وارحامي=ولكامل افكاركم نظمت
لا يصيبكم طايش سهامي=ساعة صفر للحسم صمِّمت
ابوروان النويمي=
مشعابكم طاح بحكامي=دورتها وانسحبت وصمت
اسقيتكم كاسنا اكرامي=سممتني ياخوي سممت
ابن خيرالله الردادي=
خابرك انا انسان وعصامي=لكنك اوهمت وتوهمت
برسلك لنسان حجامي=عسى الحجامه تفك الكمت
نظم القوافي=
وطيس الحرب لصار حامي=ناديني يابناخي لا عزمت
اذود عنك بحسامي=ولنجدتك تراني اقسمت
ابن خيرالله الردادي=
اسلوبك اسلوب اجرامي=مدري انا نمت وتحلمت
ولا انت صايبك انجامي=تضيع الدرب مهما حمت
البحار خالد=
ياصاحبي جاتك اروامي=بفزع معك في نهار الحمت
من بحرها والخشب شامي=وخر ترى فروسهم نشنت
نظم القوافي=
بيان الصمت ياعصامي=هذا النويمي ماحرمت
وقت الشدايد مقدامي=يصول ويجول ان لزمت