حبيب العازمي والسناني

مرحبا ترحيبتٍ مثل العسل حالي محـلاّ=يالضيوف إللي حللتم فالمحل أهلا وسهلا
من تعلم في حياته ماجهل حاشى وكـلاّ=والغشيم إليا كتب لابد مايخطي في الأملا
البقى ياهل الوفى مثل الخيـال المستهـلاّ=يارجال إصدورها من موجب الضيفان كملا
ياحبيب دفتـر التعليـم ماهـو مستحـلاّ=والمثابر فالزمـن لابـد مايفنـى ويبـلا
يامحمد لاتقول أن الجمل فالحمض فلاّ=يامثنيها معقلها سرت من دون عقلا
حضنا دايم كبير ونجمنا نجـمٍ تعـلاّ=والمشاكل لاتجمعها على رأسك وتبلا
ياحبيب لاتقول الحبل بين يديـك حـلاّ=الليال المظلمه في رأس ابو عمار حبلا
أنت طيب لكن إللي من على العالم تولاّ=مايعارض في طريقه غير مهبولٍ وخبلا
إختلفنـا وإتفقنـا وإختلفنـا قـولـوا ألاّ=أنت ياللي تنطق ألا ليش ماتنطق بعـد لا
حلونـا ماينتـمـرر مـرّنـا ماينتـحـلاّ=وإن بغيب الميل ميل ولن بغيت العدل عدلا
إتفقتوا وإختلفتـوا ماطلـع فيكـم معـلاّ=واحدٍ منكم شجيع وواحـدٍ دعـواه ختـلا
مانبي ننشدك عن زلة لسانـك يـوم زلاّ=صبر ولا حنضلة جاء للأسد عشرين شبلا
قلت للرجال عـان الـدرب والرجـال ظـلاّ=والمريض يطيب بعد إنه على النيران يصلا
لو نشيع قلب بـن متـروك شفنـاه يتـدلاّ=مير بن متروك وسط العيص عنها وين يجلا
أنت رجالٍ تهـم النـاس والشيـخ يتغـلاّ=إنتهى عشرين فصل وباقيٍ عشرين فصلا
لو نشيع مخ أبو فيصل نشوف إنه تمـلاّ=مابقي له غير تطعيمه على الماشي ومصلا
كيف تجحد وأنت حاضر عصر وعيونك تحلاّ=الله إنه لايبارك في هـوى عنتـر وعبـلا
أنت مخك يامحمد نصف معك ونصـف ولاّ=مالك إلا من يجيبلك الـدوى مدبـول دبـلا
مانعارض مايدبـر ربنـا عـزا وجـلاّ=وأنت ياحبيب معلق فالجمل عشرين حبلا
للحكم من وسع صدرك لاتضيق ولا تملاّ=والحقيقه ماتخاطبك العرب من دون سبلا
وآهني إللي ليا حان الفجر كبر وصـلاّ=عقب صارت سالفتكم مالها لاأوّل ولاأتلا

الله يعطيك العافية على النقل

و صح ألسنت الشعراء حبيب العازمي و محمد السناني

و أشهد بالله أن هذا القاااااااااااااااف راااااااااااااااااائع بوقفاته المتشابهه

الله يـعـطـيـك الـعـافيـــــــــــة
بيض الله وجهك

يعطيك العافيه على الملعبه الرائعه...
بارك الله فيك ...
تحياتي

صحت السنتهم وبيض الله وجهك

الله يعطيك العافية على النقل