محاورة عبد الله عواض × علي الحصني الحربي

هذه محاورة جرت بين عبد الله عواض والشاعر / علي الحصني الحربي
بتاريخ 6/ 8 / 1424 هـ بحائل
عبد الله

هلا مرحبا يااصحابنا أهل الوفا بذات = هلا مرحبا من قلب وشعور ولساني
أنا خابر حصني مسمن سبيل ومات = وهلحين جا حصني مسمن علي ثاني
الحصني=
يدوم البقا لك عد مانتطق الكلمات = وأنا أرتاح لا جتني مراسيل صدقاني
ترى كل حرب ألهم مع الأواجبة وقفات= شجاعة وشعر وعز لضيف والعاني
عبد الله =
أحد ينطق ويحسن وحد منطقة سيات= وأنا أشوف ردك بين سيات وأحساني
وحنا رجال وبالمواقف لنا عادات= نعز الخوي ونهرب الذيب سرحاني
الحصني =
أنا وش عليه دام الأعمال بنيات = عسى الهوش يكثر بين غامد وزهراني
أبقول ياسبحان من يحيي الأموات= تهرج وأبا أهرج معك والهرج مجاني
عبد الله =
أجل منت حصني دام ماتعرف الحيلات= أنا خابر الحصني على الطرد شفقاني
ياسبحان من خلاك تضحك عقب ما فات = وخلاك تذكرني ولا عاد تنساني
الحصني =
صحيح القنوات الفضاء غطت الموجات = ولكن مراسيل القناوات كذباني
يا ابو زيد عن هاماتنا تقصر الهامات = من أول وهلحين ترى شانا شاني
عبد الله =
يا كثر السوالف يا علي بين ود وهات = لكن الصحيح الخد هلحين ما يداني
ترى ما تعدا طولتك راعي الطولات = وانا راعي الطوله مع طوال الايماني
الحصني=
لا تسرع ترى بالدرب قدمك عشر لفات = يا تيسير علوني اسير المريكاني
انا ما خبر ضيفن يدور على الهوشات = ترى الملعبه خاتمك وانته سليماني
عبد الله =
ليا اسرعت ما لك غير صبر الندم وسكات = واقول لك من حضرتك حتى تحداني

بارك الله فيك
اخوك الحب الباقي
دمت بخير

الله يعطيك العافيه

يعطيك العافية

الله يعطيك العافيه

يعطيك العافيه اختيار رااائع لمحاورة قويه

بيض الله وجيههم وصح الله السنتهم

تقبل تحياتي

ودمت بخير

الله يعطيك العافيه

يا سلام محاوره محترمه
وشعراء مبدعين

يعطيك العافيه على الملعبه

مشكورين على المرور