إحدى روائع الشاعر الكبير إلهاب الحربي

ياراكب اللي ماورد من بلـد بـوش=عليـه لليابـان رمـز ومــواري
في اكس آر اسمه على الباب منقوش=ومصممينـه للمـدن والصـحـاري
شكل الجناح بموخره تقل طربـوش=ماهـو مرهـم بالمحـل التجـاري
لاناشته رشـه .. ولادق شاكـوش=ولادار ويلـه بيـن يائـع وشـاري
نزل من المينا على ساحة الحـوش=ابناخـي الكـزس عـدو السفـاري
يزعل من النمـره لياناشتـه نـوش=وعند الدبل يعلن ظروف الطـواري
مثل الشجيع اليا اعتزا حزة الهـوش=وهز القنـاه وقـال يابـا الثـواري
ولياشتغل واقف تقل ينقـد اقـروش=صوت المذيعه بالقـرار الـوزاري
يسرح صلاة الصبح من حي فدغوش=ليا طرا في بعض الاحيان طـاري
لياصار ماتملك من الـذود قنطـوش=ولانته مولـع بالقنـص والحبـاري
ومليت من جـو المدينـه ومديـوش=وتبغى تسلـي خاطـرك بالبـراري
نصه لرجال ٍ على الطيب مدهـوش=اللي بفعلـه كـل حربـي يمـاري
قال الطهيمي قلت نعميـن واشـوش=حربي وابيـن فرحتـي وافتخـاري
راعي مضيف ٍ به مسايير وطروش=والكيف يدرج وازرق العود جـاري
وله مجلس ٍ من زل شيراز مفروش=شيد من اجل الطيب ماهو جبـاري
ومزينه حـب الولـع لام دنـدوش=اللـي لهـا تـو الحويـر يمـاري
وضح ٍ وبرهن تقل بالثلج مرشـوش=من حر مالـه ماكسبهـن عـواري
وان كان بكره حاشن الجايزه حوش=والله لاشجع طول صوتي وامـاري
موقف شرف ماهو مزيف ومغشوش=يسوى الرصيد بكل بنـك ٍ عقـاري

الله الله
و الله روووووووعه بمعنى الكلمة

صح لسان ابو جمال وهو شاعر غني عن التعريف

و مشكور على النقل ياراع البلهاااااااا

صح لسانه قصيده جزله
ابداع من ابو جمال الله يطول بعمره
لاهنت الله يبيض وجهك على النقل

صح لسان الشاعر الهاب بن عوض الوسيدي

فالك البيرق يالهااااااااااااااااااااااااااب

فالك البيرق يالهااااااااااااااااااااااااااب

صح لسانك ياراعي البلها وصح لسان قايلها الشاعر والاديب لهاب الوسيدي ودايم معودنا على الجزل والله انكم من رجال جزليين لاهنتم ياهل البلها مانعدم وجودكم

مشكووور راعي البلها
وصح السان الشاعر

صـــــــــــــح لــــــــســــــــــانــــــــــكـ


ياراعي البلها

سلمت يمينك ع الاختيار الجميل