اليا حدني خصمي على القاف سيطرت = وابرمت قافن يبلـش بنقضـه الضـد

اخواني واخواتي اعضاء ملتقى حرب الأفاضل
اسعد الله ايامكم بالمسرات ويسعدني ان اقدم بين ايديكم هذه القصيده
حيث وصلتني بعض من الرسائل التي تحتوي على بعض مايسميه اصحابها
قصائد وهي في الحقيقه لاتحمل مقومات القصيده بل هي اقل من ان تكون
نثر اوسجع ومراعاة لمشاعر القراء واحترام للشعر لم اورد شيء منها
وقد اتهمني البعض من اصحاب هذه الرسائل بعدم المقدرة على الرد او الكبرياء
على الشعراء وهذا الكلام غير صحيح كما استوقفتني بعض القصائد التي
تنشر على صفحات البعض من الصحف ومابها من سخف وسقائط تسىءللشعر
الشعبي وتنحى به عن هدفه فالشعر من انبل انواع التعبير حيث انه ينقل خلاجات
القلوب ويترجمها بلغة محببة للنفس تلامس جميع المشاعر التي يشترك بها جميع البشر
كما انه وعاء لحفظ التاريخ .
لا اطيل عليكم واترككم مع هذه الأبيات والحكم لكم
مع خالص التحية
شعر :سعود بـن عبـدالله المبيريـك

انا اليا منـي علـى الحـرب قـررت = لمدافـعـي ماتـوجـد ادروعن تــرد
اليا حدني خصمي على القاف سيطرت = وابرمت قافن يبلـش بنقضـه الضـد
في حالتين اليـا طربـت او تكـدرت = وعدت مقاييس الخطر مستوى الحـد
مـن بنـك فكـري ماتحيـر تخيـرت = اليا انظمت بيتن عن قصيدة شعر سـد
وثورت براكين الغضب نـوب لاثـرت = اليا حدني غيض وغضب ووانتهى العد
يالمدعـي حديتنـي ليـن عـبـرت = ما انته لمثلـي ياقليـل البخـت قـد
ليتك برأسـن كبـر رأسـك تكابـرت = ما انته على مثلي من النـاس منحـد
كنك ابليس اليـا ذكـرت الله ادبـرت = يوم الحشر يومك مثل يومـه اسـود
الكرت الاصفر جاك واحذر بقى كـرت = من ملعب الشعر الجزل واهلـه شـد
ليتك قبـل ماتكتـب الشعـر خيـرت = قولن مثل قولـك علـى صاحبـه رد
يالمدعـي غامـرت مـره وخاطـرت = وقلنا سماح ولا اعتبرنـا الامـر جـد
وان عـدت مـره يالمغامـر تدمـرت = مالك نجاة السقف مـن فـوق انهـد
يامفسرين الشعـر انـا بـه تحيـرت = اشـوف ناسـن تدعـي مالهـا عـد
اليـا دعونـي عـن لقاهـم تعـذرت = وسفهانهـم منـي علـى ردهــم رد
هم يحسبوني ما استطيـع او تكبـرت = وانا على الهـزلات ماقصـدي اشهـد
شعر النبط عليه من شعرهـم غـرت = اعقـد كـلام ومـن قـراه يتعـقـد
حكمي عليه ان قلت (ذا هذر) ماجرت = للي بهم غيـره علـى الشعـر يلهـد
ياللي على شعر النبط بالغـدر غـرت = بينك وبيـن الشعـر يالأجـودي سـد
ماتاصله لو فوق سطح القمـر طـرت = لـو تحتمـي وتفورترجـع وتـبـرد
لاتحسبنك بالهـذر شاعـرن صـرت = الشعر مثل الوقف مـا يبـاع او يمـد
انته عمى وان طعتني تـوك ابصـرت = نصيحتـي يالمدعـي هـون وهــد
وكان انت للتوبـه نويـت وتطهـرت = مسمـوح منـي وولـدن تـوه اولـد
بالعذر عن ماضـي خطايـك كفـرت = وتـراك عنـدي كنـك بثانـي الجـد
الشعر لكل الناس به حق مـا انكـرت = بـه حكمـه ومتعـه وتاريـخ ممتـد
المعـذره للشعـر انــا ماتـومـرت = لكن اليا شفت الخطـا ماقـدر اصـد
انسى واليا شفـت الجرايـد تذكـرت = بصفحاتهـن مثـل الجنـازه مـمـد
زرته ومـن حالـه ووضعـه تأثـرت = مكفـنـن علىالنـعـش ويتشـهـد
ويصيح يالشعار تكفون انـا اخطـرت = الصبـر طولـه يالربـع بيـح السـد
من افعال ناسن غربلونـي تحسـرت = شكـيـت للناشـروقـام يـتـهـدد
ومحرر الصفحات يقول انـا اجبـرت = خلف الستـار كبـار ناسـن توعـد
يالشعراء من الواسطه مـا تطـورت = اسنين تظلمنـي وانـا عنكـم اجحـد
علـى الجرايـد لانشرونـي تكسـرت = مالي ثيـاب تستـر الجسـم الأجـرد
وين الـذي منهـم لبسـت وتعطـرت = عود وعبات اشيـوح وثيابـن اجـدد
من بعدهم صايم عن الـزاد مافطـرت = عمري قضـى وانـا اتحـرى وانشـد