يازياد مايقبلني العذر يازياد

*يازياد مايقبلني العذر يازياد*

*كيف اتعذر حفلكم ياخوالي*

*لو قستها يازياد من كل الابعاد*

*مالي عذر ياعيال سمح القبالي*

*الشايب المرحوم كساب الامجاد*

*عساه بالجنه كريم السبالي*

*رجال عرف ويحفظ الملح والزاد*

*بكر على قبره صدوق الخيالي*

*من عزوتن يوم انها سيف وزناد*

*من العيون وغرب ووجه شمالي*

*في ضفهم حمرن مثل دم الاكباد*

*قصير المغزل عليهن يلالي*

*وسم لحبالين المكارم والاسياد*

*قدام يذن بالمناره ابلالي*

*ياللي عن ارموز المناعير نشاد*

*اعطيك نبذه حول نص السوالي*

*منهم سعد راعي معاميل وشداد*

*عقيد قوم وللخطر مايبالي*

*سجل على خشم المصيقر للاحفاد*

*فعلن مخلد من قديم الليالي*

*شاعر جهينه فيه بالمعركه شاد*

*قال الصحيح وماب قوله جدالي*

*ومنهم خلف سم الافاعي للاضداد*

*سبار طرشن دونها النزل حالي*

*الراي قال الراي ياقروم الاولاد*

*الدرب ياطا نزلهم لامحالي*

*وصاح الصياح وراجة الخيل بالماد*

*وقفو على البل مبعدين المدالي*

*وطلق لربعه بالزمن عون وسناد*

*يبرم ولا تبرم عليه الرجالي*

*شيخه وصينيه ودله وبراد*

*يوم السنين اعجاف والجيب خالي*

*الحق لو يزعل محمد وحماد*

*والله لقوله كان جاله مجالي*

*حربي وحر الراي ماني بجحاد*

*وعن الخطا والعيب قاصر حبالي*

*ولاشفت لوجيه المخاليق عباد*

*فريس هرج وبالمواقف ثعالي*

*ماني لهم تابع ولاني برواد*

*نفسي تروم الكايده والمعالي*

*على الصراحه وبلج الحق معتاد*

*وماقف على الجرف الطويل الهيالي*

صح لسانك بلاعدد ابدعت

وستين الف نعم بالمادح والممدوح

الشاعر العلم سعد المحمدي

صح لساااانك ملاااااين
والنعم بالجميع

	المشاركة الأصلية كتبت بواسطة جريح الفرقا

	صح لسانك بلاعدد ابدعت وستين الف نعم بالمادح والممدوح

صح بدنك وماعليك زود
ومشكور على مرورك الاجمل

	المشاركة الأصلية كتبت بواسطة ابوهليل

	الشاعر العلم سعد المحمدي صح لساااانك ملاااااين والنعم بالجميع

ماعليك زود يابو هليل

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة