طال السهر ياعين !!

السلام عليكم ورحمة الله وبركاته

هذه اول قصيده اشارك بها في مجالس حرب ولها قصه طويله
ولا يسعني ان اذكرها فارجو ان تنال اعجابكم ..

,,,,,,,,,,,,
,,,,,,
,,,
,

طال السهر ياعين والنوم ماجاك
........... والليل يسري والخلايـق نيـامـي

والحزن ضيفك بالليالي وينصاك
........... ونتي مـعزبتـه وقـومـي مقـامـي

والضيف له واجب وتقديرلاجاك
.......... حتى لـونه مـن لـديـد الخصـامـي

استبشري ياعين وهلي من ابكاك
.......... طبعك كريمه مع ضيوف الكرامي

يـامرحبـا بالحـزن والفيـن حيـاك
........... من عين تندب حضهـا بالمـلامـي

هـات العلـوم وبين العـلم بحكـاك
........ عن صاحبن غايب عن العين عامي

هو كيف عايش من فراقي وفرقاك
........... يشـتـاق للـمشـتـاق ولا هـيـامـي

ياصاحبي ان كـانـه البعـد خـلاك
........ شخصن قطوع وماتعرف السلامي

تنسـى حبـيبـك تحسبنـه تناسـاك
.......... ماتدري انـك منـوتـه والمـرامـي

البارحـه جتني هواجيس ذكـراك
.......... في ليلتن غر الشهر بالضـلامـي

وجيت المكان الي تفارقت وياك
.......... وهاض الشعر فيني وبيح كلامي

وصارت عيوني كل ليله تحراك
.......... كني مع الـحـراس لـيلـي دوامـي

وين انت ياساسن من الطيب بنياك
......... يامحزمـي يـوم اللـيالـي حـزامـي

ياما حلا ذكرك ويا زين مطراك
........... قربك فرج قلبي وبعدك عدامـي

طال الغياب ومنوتي وين بالقاك
........ يالي سرقت القلب سرق الحرامي

لو يذكرونه من ورى الشرق ذكراك
......... لسري بدربـك حـافيـن بالقـدامـي

ولو يعرفون الناس شعري وما غلاك
........ كان انتـشر صـيتـك ولالي مـلامي

لاكن ترى ماحيلتي غير طــريـاك
........ وذكرى قديمه من سنين الفطامي

والشوق طفلن يستحي يوم يلقاك
......... والحـب طـفلـه راعهـا بهـتمامـي

واحذر يزيد الجرح ويطول اجفاك
........ لـنفس عـــزه بيـعهـا مــايسـامـي

ولاتغيب عن عيني ترى القلب ينساك
......... قول المثل واقولـهـا بـالختــامــي

والحين ياضيفي تسهل بممشاك
........ واستـر عليـه بالكـلام الهيـامــي



لــ سيف السهلي