( قصيدتي في الشّيخ / رباح بن مطلق بن عثمان ألأحمدي )

هذه القصيده تشرّفت بإلقائها أمام
الشّيخ / رباح بن مطلق ابن عثمان
شيخ الصّخارنه من الاحامده.

الكلام الواقعي فالشّعر ماله مثيل=خلّ عنك اللي يقول اكذبه عذب الكلام
أنا لي وجهة نظر عندي بهذا دليل=الصّراحه طيّبه مايجي فيها ملام
واصدق الشّعر اعذبه مثل طعم السّلسبيل=ولصدق الشّعر افطنوا وانصتولي باهتمام
ياوجيه الخير ياجمعٍ بيومٍ فضيل=في محل اهل الكرمّ رحّبوا بعد السّلام
ليلةٍ فيها نبا والصّفا فيها جميل=نجتمع في مجلسٍ زادنا رفعة مقام
وموقفي موقف شرف مايجمّل به ذليل=وكل شيّ اميّزه في حلاله والحرام
جيت ابمدح شيخنا راعي المدّ الجزيل=شيخ ربعي عزوتي نورنا ابعزّ الضّلام
والمديح ابذا الرّجل لو كثر يحسب قليل= لنّ ابو فيصل ملك قمّة اصفات الكرام
يابن مطلق شيختك جيل ورّثها لجيل=بيت عزّ وساسكم في شهامه واحترام
ماتدورون الهزل ماتمدّون القليل=محتمين لعزّكم بالذّخيره والحسام
ويارباح بعرفكم ربح يالضّلّ الضّليل=ومن تعزوابك هني لايضيق ولايضام
شيخنا لوّ الزّمن فيه ميله ماتميل=فيك عرف وتمتلك منهجيّه بالنّظام
نطلب الله يحفظك في هنا عمرٍ طويل=نام ليلك بالسّعد جعل خصمك ماينام
وكلمتي في مجلسك كلمةٍ تقضي حصيل=قلتها قصدي بها التّألف والوئام
ضقت من موتت ملك والله اعطانا بديل=وقدرة الله صايره مير لله الدّوام
نعلن البيعه ولا لانحال ولانحيل=ودام سلمان الملك دارنا عزّ وسلام
ونحمد اللي عزّنا هو سندنا والوكيل=ان نظرنا فاليمن وان نظرنا يمّ شام

الشّاعر/ خالد بن عبيد بن معتوق ألأحمدي

صح لسانك يابو عبيد

جزاله متناهيه

صح لسانك



تحيتي

اين ما يتواجد الشاعر العلم القدير خالد تتواجد الجزالة ويتواجد الابداع
صح لسانك ملايين مدد بلاعدد وبيض الله وجهك
ولاشك يستاهل الممدوح والله والنعم بك وبكل احمدي مشايخ وجبر
تقبل مروري واحترامي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك