أثرك رابض على بر القصيم و فطح الحيل(صياف)

أنا أبلشوني عتيبه في عفيف و وادي السيل= و أن راح مطلق طلع لي فالبلد ملفي و لافي
لكن حنا نعرف الحق و نحط المعاديل= كلاً يبا ياخذ اللي يعرفه بيِن و خافي
اللي سواتك يجيله من عباد الله مداخيل= و الارض قدام عينك وساعه و الجو صافي
وشلون حالك بعد ماغاب نور الجدي و سهيل= عساك ياصاحبي صياف طيب و متعافي
أن كان تقدر تسافر فالنهار و تسري الليل= خلك على جنبي الأيمن لاتمشي من خلافي
أنا معافا و طيب و أعرف علوم الرياجيل= و إليا اقبل البرد أطب السوق و أجيب اللحافي
رجلي على رجل خيالٍ سواتك يتعب الخيل= اللي يواسيلي المده يجيه المد وافي
الخير ياصاحبي مقبل فالايام المقابيل= مايفلس إلا ضعيفٍ يطلع الريعان حافي
أنا أعرف انك تكيل أمع الرجيال و توفي الكيل=لكن وشلون كيلك عند عمار النصافي
العام فوحت لك دله و قرقعت الفناجيل= و اليوم تشعلي النار و تصيِح للمطافي
لاتحسبني خلاوي لاسبوح و لامراسيل= أضحك لذاك و هذاك و لابس(ن) لي بشت ضافي
أنا أشعل النار و أركب فوقها صفر المعاميل= و البن و الهيل ياصياف في جوف المصافي
أثرك رابض على بر القصيم و فطح الحيل = و المورقه ياكلون الريش فالسبع العجافي
بغيت تطلع غني لكن ضيعت المحاصيل= و الظاهر أنك تذب الريع و سنونك نضافي
لو عندهم بحر مثلك فارقوا دنيا الغرابيل= صادوا من الحوت لو أن البحر ماهو بدافي
اشره على اللي ترك سلم الرجال و بارد الحيل= ماهو بتشره على اهل الطيب و الدنيا عوافي

ياسلام على المحاوره الرائعه

الله يبيض وجهك

بيض الله وجهك على هالمحاوره اخوي فارس عوف

ورحم الله صياف

تقبل احترامي

اخوك

بيض الله وجهك على هالمحاوره

ماقصرت يالغالي

الله يبيض وجهك

الله يـعـطـيـك الـعـافيـــــــــــة
بيض الله وجهك

الله يـعـطـيـك الـعـافيـــــــــــة
بيض الله وجهك على المحاورة

يعطيك العافيه على المحاوره الرائعه...
بارك الله فيك ...
تحياتي

يعطيك العافيه

الله يعطيك العافيه