البل بالارواح مفديه

بسم الله الرحمن الرحيم

لحرش العراقيب شعبيه = عند العرب بأول وتالي
بقلوب شعب السعوديه = دايم وهي قدرها عالي
قبل حياة الرفاهيه = خادمتن اجيال واجيالي
كم اكفت البعد رجليه = وكم فوقها الزاد ينشالي
وبظهورها بيوت مطويه = للي مع البر رحالي
وتوصل لدارن نحاويه = بضايعن سعرها غالي
حم الذرا سفن بريه = على القساء صبرها طالي
مع الفجوج الخلاويه = مافكرت بشهب الالي
وتسقي حقولن زراعيه = برشاء وغربن ومحالي
ويكفي لبنها عن الميه = وزادن على كبودنا حالي
وعلاج ميه على ميه = من ماضي الوقت فعالي
وان مرت اليـوم منقيه = غنو بها زين الامثالي
ماضي زمنها وحاليه = من حطها لسعد نالي
البل بالارواح مفديه = كم دونها راح خيالي
قبل تسود النظاميه = يوم البشر هوش وقتالي
نار العرب دونها حيه = ومازل من عشق مازالي
ياللي تبا اوهام طبيه = تثر على كل وبالي
دامن هواء النفس حريه = عزي لكم يهل الاقوالي
لاتتعبون العربيه = تبث يم الخلا الخالي
ما تاجد اذان مصغيه = لوهي تفرد بالارسالي
وانا ختمت الهجينه = وارسلتها عبر جوالي
لمن يعشق البل مهديه = يرفع بها الصوت موالي

صح لسانك وبيض الله وجهك

	المشاركة الأصلية كتبت بواسطة الكحيلة

	صح لسانك وبيض الله وجهك

صح بدنك ولاهنت
على مروك الرائع

الله الله
انشهد انك صادق ان الابل خادمه الاجيال
صح لسانك

	المشاركة الأصلية كتبت بواسطة صلاح الحيسوني

	الله الله انشهد انك صادق ان الابل خادمه الاجيال صح لسانك

صح بدنك وﻻهنت
شرفني مرورك الرايع

صح لسانك
بيض الله وجهك

	المشاركة الأصلية كتبت بواسطة نديم المجرة

	صح لسانك بيض الله وجهك

صح بندك
وﻻهنت علي مرورك المشرف

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك وعتلا شانك
يابن العم
سفن الصحاري
ماعليها من كلام راعي الدجاج
الفقيه وخوانه