ردي على قصيده الشاعر درهوم البقمي

	المشاركة الأصلية كتبت بواسطة سعد المحمدي

	توضيح حول قصيدة درهوم البقمي في قبيلة حرب -------------------------------------------------------------------------------- تناولت وسائل التواصل الاجتماعي قصيده موجهه لقبيله حرب عامه وللشيخ / عواد ابن دهيرم الاحمدي الحربي خاصه ولكل حربي يفتخر بقبيلته التي لها من الامجاد في كل نواحي الطيب والكرم والخوة والشجاعة اضافة الى حسن الجوار الذي تتحدث عنه هذه القصيدة وهذا الموقف النبيل الذي تناقلته وسائل التواصل الاجتماعيمن الشاعر / درهوم البقمي واختفلفت طرق النقل لهذه القصيدة في وسائل التواصل الاجتماعي ويعتبر هذا الفعل شرف لقبيلة حرب ويضاف الى امجاد القبيله حيث جاءت هذه القصيدة رد ثناء من قبيلة البقوم العريقة ونعم بكل القبايل بما فيها من رجالها وامجادها وافعالها حنا نزلنا منزل وسط الأجواد= =في ديار حرب امخضبين الهنادي قصيرنا عواد و نعم بعواد= =فعله وطيبه مثل فعل المهادي شيخ علئ العليا فلا هو بكواد= =يرقئ لها رقيةً طيور الهدادي بيته علئ مدخال كحله توكاد= =يمين وبابه للطراقي ينادي بين ولا يحتاج نشدات نشاد= =مثل النجم وسط السماء نور بادي سوالفه مثل العسل طب الاكباد= =اموفقه ربي بهرجً سدادي ترفع له البيضاء علئ روس الاشهاد= =كفً نديه جعلها بزديادي قلته وانا درهوم من ماكر ناد= =من الاد سامي محتمين الطرادي ابقوم سادات علئ كل الأسياد= =وقصيرنا يهنا بحلو الرقادي ماهي سوالف هرج وابيات قصاد= =يشهد علئ ما قول حضر وبوادي والطيب وفقه كان حظ الفتئ جاد= =الدين ساسه من خطا الدين غادي يالله تقدرنا علئ الطيب وانقاد= =الكل ما يرضيك يا خير هادي ويا سعود دوك القاف وأمعطر بكاد= =وامعطر فيه النفل والزبادي سلم علئ شايبك في ثان الأعياد= =يالله عسئ عمرة صلاح وعيادي كل عام وانت بخير يا كفو الافناد= =وكل عام وانت اقرب لرب العبادي و يا الله يا جاعل من الحيد الاوتاد= =تجعل قبر عوده رياض و برادي واختامها يا جموع صلو ويا افراد= =علئ شفيع الخلق يوم التنادي ردي على الشاعر درهوم البقمي درهوم ياراع الوفاء ساس الامجاد=ياطيب الجيره نصيح الفوادي مدحة من طيبه على عصرالاجداد= شيخٍ لفعل الطيب مشيه سنادي له بالكرم والطيب جلسه ومقعاد=للجار والمرار نجره ينادي وانته كريم تثمن الملح وزاد =انا اشهد انك جار راعي مبادي ربعك هل النخوه وسيعين الابناد=اهل السيوف الامعات الحادي جمع البقوم اللي يضدون الاضداد=من دون بالميدان قطم التوادي يوم القبايل بين طارد وطراد=اما تجيك الصبح والا هجادي الكسب من دار العدا شقح الاذواد=من فوق خيل مدربه لطرادي تخلي سروج الخيل في ساحة الماد=وياما اذبحو من شيخ راعي شدادي ابيوتهم دايم لها الضيف رواد=حقايق ماهي علوم ودوادي فيها الدلال اللي بها الهيل وقناد=وسمن وسمين وريح عنبر وكادي في ضلها تلقى مطانيخ الاولاد =شدنا وغيري باهل الطيب شادي وماقل دل وعد ماحن رعاد =صلو على المرسول لناس هادي

يقول المهادي

الأجواد وأن قاربتهم 0ماتملــهم
والأنذال وأن قاربتها عفت مابهـا


الأجواد وأن قالوا حديثً وفوبه
والأنذال منطوق الحاكيا اكذابهــا


الأجواد مثل العد من وردة ارتوى
والأنذال لاتسقى 00ولا ينسقابهــا


الأجواد تجعل نيلها دون عرضها
والأنذال تجعل نيلها في رقابهـــا


الأجواد يطرد همهم طول عزمهم
والأنذال يصبح همها في رقابهـــا


الأجواد00 تشبه قارةٍ مطلحــبة
ليا دارها البردان يلقى الذرى بهــا


الأجواد صندوقين مسكٍ وعنبـر
ليا فتحت ابوابها جاك مابهــــا


الأجواد مثل البدر في ليلة الدجى
والأنذال ظلماً تايةٍ من سرابهـــا


الأجواد مثل الدر في شامخ الذرا
والأنذال مثل الشري مرٍ مذاقهـــا


الأجواد وأن حايلتهم ماتحايـلوا
والأنذال 0أدنى حيلٍ ثم جابــها


الأنذال لو غسلوا ايديهم تنجست
نجاسة قلوبٍ مايفيد الدوا بهـــا
----------------------------------------------------------------------------

هنا التاريخ يعيد نفسه في اكرام الجار ولاهي غريبة على حرب
قبيلة نالت من المجد مالا ناله غيرها بدون نقص في باقي القبايل
لكن الله وهب هالقبيلة كل علم غانم بلاتصنع شيمة وقيمة
وقصة عواد الاحمدي مع البقمي واكرامه له واسكانه في بيت ابنه سعود اللي يعتبر جزا من بيته
معروف وعلم غانم لايصدر الا من انسان طيب الخلق والسريرة كريم لبعد حدود الكرم
في زمن الجار تمر شهور ماسلم على جاره
جزاه الله عنا وعن كل مسلم خير الجزاء وبيض الله وجهه في الدارين
والشاعر درهوم البقمي شاعر كبير وثناه على حرب واجب في مثل هذا الموقف
الفريد من نوعه
صح الله السنتكم
وسمحنا مستشارنا القدير على الاطالة والله مثل هالمواقف تستاهل معلقات ومقلات لتعبير عنها
ماقصرت طال عمرك وعويدك كسب العلم الغانم لكل مايخص القبيلة
لاهنت
لاهنت
لاهنت
ولاهان مقامك.