الناس قالوا كل شي وله حد

الناس قالوا كل شي وله حد= وان زاد حجم الامر يرجع لضده
الا رضا المعبود لوزاد يحمد =مايرضي الله والرسول استمده
والصبر محمود ولو جاوز المد = لو الصبر يحتاج للمد مده
اما الامور اللي تبي موقف الجد= الجد وقت الجد يازين رده
الرجل يصمد للصعايب وتنهد = حتى الجبل لاشد عزمه يهده
للخصم يوقف وقفة الندللند= يشفي غليل لربع في كل شدة
هذا فعل من كان للمعضلة قد= الياقلط في واجب الربع سده
واعلم ترى الانسان مخلوق من بد= وترى الحمية كل بد وبده
المال جنب المال واليد باليد = لا حل وسط الدار كرب وشدة
كبرمع اللي كبرالله ووحد = ولا احد يموت الا ليا حان حده
الموت واحد والسبايب تعدد= واللي بداه الله الى الله مرده
لاتعاشر الا شهم يشبهك فالعد = مشي البرا مابين جدك وجده
ينجدك ياما كنت محتاج منجد = واليا استشرته جاب علم توده
والاصدقاء لو شدوا الحبل لاتشد = واليا ارتخى حبل المودين شده
واللي يزور البيت لايشاهد الصد= مذموم شخص شاهد الضيف صده
رحب وكثر بالتراحيب والمد = لو العدو يلفيك عشه وغده
لاتصاحب اللي فالغبا بيح السد = لاغاب عتك اعطى معاديك سده
ولا ترتجي مفعول من بارد الخد = لو فيه سرة مابرد دم خده
يامستمع هذي سواليف تنعد= ماهي علوم توها مستجدة
سلم السلف نحييه في اليوم والغد = عدوه لي وانا حفظته واعده
ماحلى العرب لاجوك صف موحد= متشاركين في عتاد وعدة
وفي كل امر العين للخالق تلد = وصلت على المختار مع كل لدة

كلام رااايع
يسلم منطوقك وذوقك.

	المشاركة الأصلية كتبت بواسطة تكفيني الذكرى

	كلام رااايع يسلم منطوقك وذوقك.

حباك الله
مريت وشرفت
نقبل تحياتي

الشاعر القدير حسين العبيدي صح لسانك مليون على هالدرة وعزالله انك قصدت ونصحة ياشيخ
ولاهي غريبه عليك الجزالة يابو ماجد تستاهل اكثر من خمس نجوم هذه الدره الله يعافيك

	المشاركة الأصلية كتبت بواسطة فايزموسى البشري

	الشاعر القدير حسين العبيدي صح لسانك مليون على هالدرة وعزالله انك قصدت ونصحة ياشيخ ولاهي غريبه عليك الجزالة يابو ماجد تستاهل اكثر من خمس نجوم هذه الدره الله يعافيك

هلا وغلا اخي فايز
صح بدنك وطال عمرك ولاعدمناك
مرورك شرف وتعليقك وسام على صدري شهادة من شاعر قدير اعتز بها

شكرا وتقديرا وتحية واحتراما

الشيخ والشاعر حسين مريع العبيدي
صح لسانك وعتلا شانك شاعر جزل
وقصيده جزله الله يبيض وجهك

ولا ترتـجـي مفـعـول مــن بـــارد الـخــد
لـــــو فـــيــــه ســـرة مـــابــرد دم خــده
الشيخ والشاعرالكبير حسين مريع العبيدي

صح السانك لاهنت
ولاهان منطوقك
الرااقي جزالة تفوق الجزالة

	المشاركة الأصلية كتبت بواسطة الكحيلة

	ولا ترتـجـي مفـعـول مــن بـــارد الـخــد لـــــو فـــيــــه ســـرة مـــابــرد دم خــده الشيخ والشاعرالكبير حسين مريع العبيدي صح السانك لاهنت ولاهان منطوقك الرااقي جزالة تفوق الجزالة

هلا وغلا حياك الله
صح بدنك ولاهنتي
شهادة من شاعرة كبيرة بحجمك اعتز بها تقبلي تحياتي

	المشاركة الأصلية كتبت بواسطة الكحيلة

	ولا ترتـجـي مفـعـول مــن بـــارد الـخــد لـــــو فـــيــــه ســـرة مـــابــرد دم خــده الشيخ والشاعرالكبير حسين مريع العبيدي صح السانك لاهنت ولاهان منطوقك الرااقي جزالة تفوق الجزالة

اهلا مليون ولايكفون
صح بدنك وطال عمرك
شرفني مرورك المميز وتعليقكم وسام على صدري وشهادة اعتزبها
تقبل الشكر والتقدير

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك