ديوان الشاعر ( راشد الزهراني ) المحيط

للرب والوالدين حقوق = يا حظ من يكسب رضاهم
ويقوم فيهم مقام يلوق = يحرص عليهم ويرعاهم
يجيه رد الجزاء مطبوق = وأهل الرضا ربي أعلاهم
ما نجازي الطيّبه بعقوق = ونصد عنهم ونعصاهم

وش يجمع اشتات روح محب = متأثره بالهجر روحه
مافيه عنده لقلبه طب = غير الذي سبب جروحه

ياليل كلك شجن واسرار = ابغاك مستودع اسراري
بيني وبين العيون ستار = مسدل على دمعي الجاري

صرير القلم =
كل ما سألنى أحبه ليه = مقدر على دقة التوضيح
قلبى الذى طاعنى ما مديه = خايف من النقد والتلميح
راشد الزهراني =
لازم تصارح جناب البيه = ما دام يحتاج له تصريح
وتحط قلبك ما بين ايديه = قدام تنحيه عنك الريح

صرير القلم=
قلت أبتسم علها تنزاح=على الوهم كثرة اهمومى
ولا الحقيقة كثير جراح = وهذا نصيبى ومقسومى
راشد الزهراني=
الحي حياته حزن وافراح = وعادات الأيام ماتدومي
قليل فيها خلي مرتاح = يمشي على خط مرسومي

عبر من القلب يا حرفي = عن ما تكنه خفايا الروح
وخذ حبر الأقلام من طرفي = اللي على وجنتي مسفوح

نامت عيون البشر وانا = سهران طرفي مانام الليل
والقلب من كثر ما عانا = كلما انتها ويل يشكي ويل

معنى الأبوه عظيم وهام = والأب يسأل عن ابنائه
يدعي لهم بالصلاح التام = ويكسب محبة احبائه
ويكون قدوه لهم ووسام = وعونا على الوقت واعبائه
ويحقق الله له الأحلام = والكل يحرص على إرضائه