وثيقة شعرية بالأخ العزيز / سالم بن دغيمان المخلفي

الهجس راق اوباقيٍ مابعد راق ::::::::::::::: به درّةٍ بأعماق بحري غريقه

يفرق مسمّاها على كل الاذواق ::::::::::::::: وفنون بستان المعاني وريقه

في مستراح اشعور دمثين الاخلاق ::::::::::: وبيتٍ تريّح به انفوسٍ مضيقه

لجو على غبّت مسافات ورهاق :::::::::::: او عابرٍ راوس بجهده طريقه

ارتال سبّاقٍ ورى ارتال ويّااق ::::::::::::: نمرٍ جوادل جدلها من رحيقه

يلقون من بن المعاميل مالاق :::::::::::::::: هاذي مثقّلها وهاذي طليقه

ملفى عواميس الخواطر والارياق :::::::::::: ساعات وقتك تنصرم به دقيقه

بيتٍ مدى افاقه مذرّيله آفاق :::::::::::::: وبطراف شنّاقه يشيل الوسيقه

على مدى دورات الايام مشراق ::::::::::: وبابه على الكهرب تهادى طقيقه

على صدى صوت المساييرينساق ::::::: : تدرج محاحيله بفخرٍ يليقه

هذاك بيت اللي عسى ايّامه اعتاق ::::::: وتبطي عنه غبر السنين المحيقه

بيتٍ لبو تركي بنى مجده اطباق ::::::::: وسيمة مخلّف بسوره عشيقه

سالم وخلاّق المخاليق فرّاق :::::::::: كم من سميّلّه مخالف طريقه

على الخواطر جبرهاستر وارواق::::::: واقفال مجهوده بصدره غليقه

ولو ضاق سور البيت بالناس ماضاق:::: صدرٍ يعجّز بالرحابه صديقه

مع تحيات

الشاعر / حسن بن سمير المخلّفي

تاريخ نضم القصيدة 20/6/1433

الشاعر
حسن المخلفي
صح لسانك وعتلا شانك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

سعد المحمدي

الحب الباقي

فهد بن غانم

صحّت السنتكم جميعاً اسعدني مروركم . وهذا الشاعر لم يتكلّم من فراغ

بل يصوّر الواقع ومن يمر على هذه القصيدة وهو لايعرف الطرفين قد يتبادر

إلى ذهنه بإن بها مبالغة ولكن انا من شهود هذا الشاعر بإنّه لم يقول سوا الحقيقة

ويسلم لسان المادح ويستاهل الممدوح بما مدح به وهو من باب اظهار الفضل لإهله

شكراً للجميع ودمتم بخير وعلى المحبّة نلتقي.

صح لسان الشاعر حسن المخلفي الله يعافيك

صح بدنك اخوي فايز مستشارنا القدير ولاهنت

صح لسانك قصيده جزله

صح بندنك الجزالة تواجدك يابو هليل