مشاركتي بحفل الشاعر زيد مبشر الحصني

نبي نشرف محتفل راعي الطيب=واشارك الفرحه وبارك وهني
لبيت دعوى مكملين الموا جيب=واجيلهم من كل رحب متعني
امحمد انهاء كاملات التداريب=متنطحٍ سير الحياه بتبني
متفألن به والده والاصاحيب=والشكر للي له على الخلق مني
مبروك يامحمد حصان الاطاليب=عساك تمضي خدمتك بالتهني
في خدمة الوالي ومن له مطاليب=تدي حقوقه راضيٍ مطمئني
وقول يامحمد فدوك الزواريب=اللي يحسبون المراجل تمني
قصار الشبور قريبين المحاضيب=اللي بهم عن كل عليا تدني
بالليل يروون السيوف المحاديب=والصبح ماجتلي على كيف ظني
على أولياهم من كبار العواقيب=الله يعافيهم ولايمتحني
واقول يامحمد ترا النعم والعيب=بابين من سير البشر يدخلني
مع باب عكس الطيب لو جده كليب=يدخل وقدمه من يصيح ويوني
من شيف تقصيره ولو يفعل الطيب=لاخطا سنان الرمح ماله مثني
والباب الاقصى له شروط ومطاليب=تكمل بناس وناس مايكملني
يامن ثنى مع سلمه شره وصعيب=لن العلا دربه صعيبٍ معني
في طرقته يحضر بها الحظ ويغيب=حكم القدر لا لله والاسباب مني
واقول يامحمد بحكم التجاريب=وتجاربي بحدود عرفي وسني
ترا الولا فوقه نظر عالم الغيب=لاكان قل يالله على الصبر اعني
ورجلٍ بلا فطنه وحكمه واساليب=ويساير العالم برفق وتأني
ينزل ولو عدا طويل المراقيب=واليا نزل جاه المنافق يغني
الله يجيرك من جميع الشواذيب=لاتخلف الهقوه بعد مأمني
واليا لفولك متعبين المناجيب=بين وقار الملتزم والمسني
واليا شرحت صدورهم بالتراحيب=من راح منك بكل مجلس يثني
يمكن تحصل وضعهم حله إقريب=وتسيره بأسلوب ماهر وفني
والا لقيته له شطون ونواشيب=عليه تحريم النظام إمتحني
تبي تقنعهم عن الشك والريب=لاتصير نيشان الهدف للمغني
الناس تدري في نظام المناصيب=لايدركونك باالظجر والتجني
بالناس ناس يدورون المناقيب=متفحلن فيهم إهبال الهبني
وصلاة ربي عد خط المكاتيب=على نبي الخلق انسن وجني

غازي مغيران الزغيبي

الشاعرالجزل غازي الزغيبي
صح لسانك واعتلا شانك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

ماشاء الله تبارك الله


جزاله ومعنى وسمو هدف


للـــه درك ودر حضورك المثمر



الله يرعاك

	المشاركة الأصلية كتبت بواسطة (عبدالله الوهبي)

	الشاعرالجزل غازي الزغيبي صح لسانك واعتلا شانك

الشاعر القديرعبدالله الوهبي

صح بدنك ولاهنت

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك ولاهنت

	المشاركة الأصلية كتبت بواسطة سـري للغــآية

	ماشاء الله تبارك الله جزاله ومعنى وسمو هدف للـــه درك ودر حضورك المثمر الله يرعاك

صح بدنك ولاهنت

صح لسااااااانك كالعاده يا ابو طلا ل تقطف من احلى الثمار قصيده لو تشرح اخذت مجلات الى الامام ياشاعر حرب

الشاعر القدير غازي مغيران الزغيبي
صح لسانك فقد قلت واجزلت القول
الله يعافيك يابو طلال

هلا هلا والله بالعملاق ..الشاعر الكبير غازي ابن مغيران
بكل اختصار......قصيده تجدها ..بتوقيع ابوطلال ..غازي الزغيبي
ثق تمام الثقه انها ان لم تتجاوز القمه ..فهي ,,على القمه
صح لسانك شاعرنا القدير غازي على ها الدره الثمينه
واللتي كتبت بمن يستاهلها
بيض الله وجهك يابوطلال