من به حيل للمحاورة يرد

	المشاركة الأصلية كتبت بواسطة طلال عايض الطريسي

	هقوتك ياصاحبي من دبور في دبور مظلمن في الملعبه والطريسي نورها جلستك في خيمتك يوم حنا في القصور لكن امواج البحر فوقها بابورها

ههههههه

طيب طيب

طالعن سندا و ولْد الطريسي في حدور= يتبع الشملال و انا اتعلّى كورها
القصور العامره للحضر في وسط سور= يوم بعض الناس متْوزّيه بجحورها

تدري ان الذيب مالد يم الدينصور
وانته الارض الوسيعه تحفر قبورها

باقيلك ياوسيع العرف كلمة مرور
والخلايق كل ليلة تفوح صدورها

	المشاركة الأصلية كتبت بواسطة طلال عايض الطريسي

	تدري ان الذيب مالد يم الدينصور وانته الارض الوسيعه تحفر قبورها باقيلك ياوسيع العرف كلمة مرور والخلايق كل ليلة تفوح صدورها

ابك انا صقرن شهر فوق من ماكر صقور= الله الله يا ابرق الريش جتك صقورها
و كان منتب صيدة الحر يا عود النسور= اجلس بظف المره لا تخالف شورها

خابرك في كل ليلة تجمعلك طيور
مير خلك وسط غابتك واركب ثورها
طيع شوري ياصحيبي ودمك لايفور
والمره ياصاحبي لاتغادر سورها

	المشاركة الأصلية كتبت بواسطة طلال عايض الطريسي

	خابرك في كل ليلة تجمعلك طيور مير خلك وسط غابتك واركب ثورها طيع شوري ياصحيبي ودمك لايفور والمره ياصاحبي لاتغادر سورها

انت اميرٍ للشواعير في وقت الدبور= و الاماره يا صبي ضعت في ديجورها
مار طع شوري و ليّاك بآخرها تخور= و الحريم اصرف لهن يقعدنّ بدورها

روح المعنا عليك وتوزا في البحور
والقصايد طيع شوري وخل بحورها
الوعل ياصاحبي مايقارن في النمور
ربي يكافيك كيد والليال وجورها

علي الحرام يالصيفي انك شاعر خارج السرب ولا يهون الطريسي