هاض الضمير وفي عنى خاطري هاض

	المشاركة الأصلية كتبت بواسطة نافع الحربي

	هاض الضمير وفي عنا خاطري هاض = واسترجعت كل الجوارح زمنها وهني من سج القدم عقب مقياض = برضٍ زماليق الربيع اتحضنها يتبع سحابٍ بارقه بالسماء ناض = على زهر دارٍ نضيفٍ وطنها سيله من العالي على حايره فاض = اغصونٍ يطرقها وغصونٍ دفنها دارٍ مرى خضراء صحاصيح وفياض = اتعزف بها طيور الهواجر لحنها ترعى طرف روضٍ من المي ماغاض = ماوايقت غيب القلوب ودرنها القلب به من جاير الوقت عضّاض = والنفس عياّ عن هواها بدنها الله على اللي لا مشى يومض اوماض = كنه بسيف العدل يامر وينها رفوق ما هو للأزاهير نفاض = كنه بميثاق الأمان يهدنها كامل مكمّل عن هوى النفس ما جاض = مروة فلاةٍ ينطق الغيم عنها كنه بقفريّ الحَياء يعرض اعراض = وضحا وشيع القطن يزهى رسنها اليا دق في حدب المغاليق كضاض = وضاقت بمفهوم الوسيعة اسننها نصيت فوقه مزهرٍ كنه احياض = يلبس متون الارض ويلبس طمنها يطلع وينزل من مراعيف لرياض = في ساعةٍ بالعمر غالي ثمنها مناظرٍ تجلا عن القلب الامراض = الله كساها بالجمال وضمنها اخذ بها عن ناقص الهرج مركاض = عن كلمةٍ هراّجها ماوزنها تقرض معاليق الحشى تقل مقراض = تقتل قلوبٍ صافية من رعنها نفسي عزيزة ما استكنّت بالأنقاض = لو كان وقتي عن هواها سجنها تنجض لي المعنى على كيفي انجاض = ولا لي سكن بالارض لولى سكنها والله لا جاهدها على الحق لو غاض = حتى بروابي نجد تلبس كفنها

هاض الضمير وفي عنا خاطري هاض
واسترجعـت كـل الجـوارح زمنهـا
وهني من سج القدم عقـب مقيـاض
بـرضٍ زماليـق الربيـع اتحضنهـا

الله لايلومك قصيده من الى مهيضه اومسريه ان صح التعبير
الذكرى مؤلمه.ولكن مهماكان تجري الرياح بمالاتشتي السفن
الشاعرالقديرنافع الحربي صح لسانك حتى ترضى على هذا
الابداع الذي لايستغرب على مثلك وشرواك