,,, (حلم السناااابل ),,,

ياسعد هبت هبوب من الشمال=بردها مامر عبر الأزمنه
احتمال أقول: تكفى واحتمال=اترك الموضوع مانوه عنه
مايعلم بالرجال إلا الرجال=ولا تعلم بالفصول إلا السنه
داخلي ضيقه وحيره وإنفعال=والوتر لا شد ياضح ف(الحنه)
لي ثمان سنين في ذهني سؤال=والإجابه تحتضنها الإلسنه
صرت وحدي لابنات ولا عيال=ولا رفيق ولا صديق(ن) وازبنه
دام وضعي لا إتصال ولا إنفصال=موتي ارحم من حياة المسكنه
ليش احسب حساب لدروس الليال=والنتيجه قبل لاولد معلنه
كان صح المسك من دم الغزال=ماعليه من حليبه والبنه
بين موج البحروارمال القتال=بحفر ال(حلم)السنابل وادفنه!!!

الشاعر القدير

صويلح السحيمي

صح لسانك وعتلا شانك

الشاعر صويلح صح لسانك
على هذه الدرة بيض الله وجهك
شكرا لك لاهنت

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك ملايين اسجل اعجابي
بهذه القصيده الجزله
دمت كما تحب
تحياتي وتقديري لك

	المشاركة الأصلية كتبت بواسطة صويلح السحيمي

	ياسعد هبت هبوب من الشمال=بردها مامر عبر الأزمنه احتمال أقول: تكفى واحتمال=اترك الموضوع مانوه عنه مايعلم بالرجال إلا الرجال=ولا تعلم بالفصول إلا السنه داخلي ضيقه وحيره وإنفعال=والوتر لا شد ياضح ف(الحنه) لي ثمان سنين في ذهني سؤال=والإجابه تحتضنها الإلسنه صرت وحدي لابنات ولا عيال=ولا رفيق ولا صديق(ن) وازبنه دام وضعي لا إتصال ولا إنفصال=موتي ارحم من حياة المسكنه ليش احسب حساب لدروس الليال=والنتيجه قبل لاولد معلنه كان صح المسك من دم الغزال=ماعليه من حليبه والبنه بين موج البحروارمال القتال=بحفر ال(حلم)السنابل وادفنه!!!

كان صح المسك من دم الغزال=مـاعليه من حليـبه والـبنه
بين موج البحروارمال القتال=بحفر ال(حلم)السنابل وادفنه!!!

لاتدفن الحلم لو لا الحلم والامل في الله لامتنا من الكبد

وماشاء الله نص فاخر
وبيتين من البيوت الخالدة و
صح السانك وسلم بيانك

الشكر موصول لجميع من شرفني واسعدني بمروره الكريم واعذروني انا يفوتني الشي الكثير وهذا طبع العليمي في النت00

صـــرت وحـــدي لابـنــات ولا عــيــال
ولا رفــيــق ولا صــديـــق(ن) وازبــنـــه
دام وضعي لا إتصال ولا إنفصال
مـوتــي ارحـــم مـــن حــيــاة المـسـكـنـه ..

اللي من الله حياه الله تعدد الاسباب والموت واحد.
واللي مثلك وشرواك نحن معه قلب وقالب.ابيات في
قمة التميز والابداع.وبنفس الوقت مؤلمه صح لسانك
حتى ترضى

الاخ نافع الحربي صح بدنك واشكرك على المرور التي شرفتنا به 00

اخي رابح الجحدلي صح بدنك وشاكر ومقدر لك