مرثية راكان بن راضي في عمه رباح بن طعيميس

بسم الله الرحمن الرحيم



اصافحكم بهذه المرثية التي كتبتها بالمغفور له بإذن الله تعالى ...

عمي الشيخ / رباح بن طعيميس بن مريخان الجميلي الحربي


صلوا على من بكى شوقاً للقائنا ...

غاب القمر وأظلم بنا الليل ياسعود =والشمس والله يابن ابوي اتركتنا
عدن ليالينا بعد روحته سود=لارافقه فينا ولا راحمتنا
راح الأمير الي على الطيب والجود=يلمع سنا برقه ويضوي جهتنا
ريف الضعيف الي من الوقت مضهود=وريف الركاب الي تلد ونصتنا
واليا نخوه ولامس العود بالعود=يعدهم لو هم بعيد ... إلحمتنا
ياقف لهم كنه على شانهم طود=ياكبرها ياناس به فاجعتنا
منزهن عن كل عيب ومنقود=وعلومه اليا جات مافشلتنا
كنه على شان الجمالات مولود=متغذي الي بصيتها جملتنا
عمي رباح الي على اللين والكود=الناس من عرفه عليه اعرفتنا
كم واحدن روحّ ولاهو بمفقود=روحته ماهمت ولا روعتنا
ياليتهم راحوا بدل مهلك الذود=يرخص لضيفه لا لفاه ارقبتنا
لو انها ياعم بالمال وتعود=ماغابت عيونك ولافارقتنا
ياليتها مابين ملحن وبارود=كان إننا ياعم دونك ثبتنا
تاقف هل العرفا على شانك جنود=وترا العرب بفعلونا ماجهلتنا
لكنها غصبن ولاهو بمردود=أمر من الي قدرته خالقتنا
مافيه حي الا وبالموت موعود=حقن من الي حكمته حاكمتنا
والله يعين القلب لا ذعذع النود=والا الطواري لا طرت واجمعتنا
ابكي ويبكي من بكاي أزرق العود=عليك يالي روحتك موجعتنا
الله يجمعنا على الحق ياسعود=ولايفرح الشامت تشتت جهتنا
أنا أشهد انه عقب أسود وفهود=شوفتهم بوسط العزا صبرتنا
يالله مابابك عن الناس مسدود=أنت الكريم الي يدينه عطتنا
طالبك يالمعبود لا ياكل الدود=ذيك اليمين الي بها سامعتنا
وادخله بالفردوس ياحق معبود=واجب لنا الدعوه ونور جهتنا
عقب القمر ماغاب ياخالق الطود=والشمس يالخالق بعده اتركتنا
عدت ليالينا بعد روحته سود=يالله صبرنا على فاجعتنا

أخوكم / راكان بن راضي بن طعيميس بن مريخان الحربي

الله يرحم الشيخ رباح رحمة واسعه وان يسكنه فسيح جناته رجل مذكور بالعلم الغانم.
اخوي راكان صح اللسانك وجبر الله عزاك الحقيقة من افضل قصائد الرثى التي قريتها تستحق الشكر عليها ابدعت فيها وهذا دليل صدق المشاعر لك تحياتي

راكان بن راضي بن طعيميس بن مريخان الحربي
الله يرحم الشيخ رباح بن طعيميس رحمه واسعه
اشهد بالله انه فقيده على حرب
صح لسانك وعتلا شانك

احسن الله عزاؤكم ورحم الله الشيخ رحمة واسعة واسكنه فسيح جناته

وصح لسانك .

والله يــعــيـن الــقــلــب لا ذعـــذع الـــنــود
والا الــــطـــواري لا طــرت واجـمــعــتــنــا
ابـكــي ويـبـكـي مـــن بـكــاي أزرق الـعــود
عـلـيـك يــــالـي روحـــــتـــك مــوجــعــتــنا
الله يـجـمـعــنا عـــلـى الـــحــق يــاســعــود
ولايـفـرح الــشـامـت تـــشـــتـت جـهــتــنـا

الله لايفرح عليكم الشامتين ويجمع شملكم على
مايحبه الله ويرضاه ويرحم رباح رحمةٍ واسعه

وصح السانك مليون ودمت بخير وسعاده

¨°o.O ( الله يرحم الشيخ رباح بن طعيميس رحمه واسعه) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

أخواني الأعزاء

صنت البدراني
سعد المحمدي
مريع العبيل
ومساعد الجليدي
رابح الجحدلي

صحت أبدانكم وجزاكم الله خير وشهداتكم لقصيدتي وسام على صدري

شرفني مروركم العطر

صح لسااانك مليار في مليار

وجزاك الله الف خير

على القصيده المرثيه الصادقه والحزينه

في فقيدكم وفقيد حرب خاصه والقبائل عامه

الشخ المرحوم باذن الله الشيخ /رباح بن طعيميس بن مريخان

رمز الكرم والجود والجاه والفزعه

الذي لن يغيب ذكره حتى لو غاب جسده

رحمة الله رحمة واسعه واسكنه فسيح جناته

انه سميع مجيب

الله يرحمه ويغفر له
صح لسانك

قصيدة مؤثرة حيـــــل,,
الله يجبر خاطر الشاعر ويهون عليه

حمدي العوفي ... صح بدنك مليارين في مليارين ... وجزاك الله خير

وعسى الله يغفر له ويغفر لجميع المسلمين والمسلمات الأحياء منهم والاموات