والله إن تجيبه وأنت مالك مقاصيد

	المشاركة الأصلية كتبت بواسطة شموخ الاصيله

	[center] السلام عليكم ورحمة الله وبركاته. أقدم لك هذه القصيدة ومناسبتها ولع أحد الأقارب بالصيد. عزي لحالك يا ابو صالح من البيد تبي تعذب وأنت جسمك نحـــــيفي خليان مافـيها ورد ومـــــــــواريد جفت مواردها وضاع الــوصيفي متساويٍ فيها العثامير والـــــــحيد بس الهوى بأشجارها له شخــيفي شالوا معالمها عيــــــــال الأواليد حتى الرجوم المنخفض والــمنيفي كد ذيروا منها خشوف الـــــمافريد ما غير صوت آلاتهم له رجــيفي تضيع لو كد جيت معها تـــــــراديد صحاريٍ جردا و بـــــرٍ مــــــخيفي وأنا أدري إنك شهم صامل وصنديد لا رحت ما يطري عليك النكــــــيفي صدرك وسيع وشوفة البر لك عيد لا بان نجم سهيل عقب المصـــيفي مادمت هاوي للمقانيص والصـــــيد دور خويٍ مثل بدر الحـــــــــــويفي لا تخاوي اللي خوته مابها فــــــــيد يومين والثالث يبين الغــــــــــــريفي يشغل بكثر الحكي يعيد ويــــــــزيد وإن قلت له قال أنت رجلٍ عنيفي وراك ماترجع نسينا الـــبـــــواريد يدور الاعذار قلبه نظــــــــــــيفي والله إن تجيبه وأنت مالك مقاصيد من رجعتك لاشك ترجع مــــــعيفي تذكر الفرجة ومشي الجـــــــــراهيد وخدٍ قطعته وأنت ودك تــــــقيفي معروف فرق الناس صامل ورعـديد تظهرهم الشدة بوقتٍ قضـــــــــــيفي والا أنت والله ما تجيك الـــــــــــمناقيد قرم وكريم وحــــــــــــد سيفٍ رهيفي ........شموخ الأصيلة.......

قصيده رااااااقيه وشامخه واصيله ياشموخ الاصيله
وتقبلي مروري وسمحيلي بتعديل كلمة جسمك وعقب سهيل
ودمتي بخير وسعاده

	المشاركة الأصلية كتبت بواسطة مساعد الجليدي

	قصيده رااااااقيه وشامخه واصيله ياشموخ الاصيله وتقبلي مروري وسمحيلي بتعديل كلمة جسمك وعقب سهيل ودمتي بخير وسعاده

بارك الله فيك أخي شكراً على التنبيه للخطا الغير مقصود.
مشكور لا هنت الله يعطيك العافية.