ثورة الاعلام تدعم ثورة الحريه

	المشاركة الأصلية كتبت بواسطة خالد الحصني

	السلام عليكم ورحمة الله وبركاته تلبية لدعوة الشاعر سعد المحمدي وابو تركي دعوته غاليه عليه وتواصلا مع الاخوان اليكم هذه القصيده واتاسف لبو تركي عن التاخير يادعيت الشعر جتني ندر القافيه = بين يا قوته ولولوه بعقد الماسي كني انقاهن وارتبهن كذا بيديه = يا سبحبي في بحرهن هاجس غطاسي ويا تساما جبتهن في منهى العفويه = دون تكلفة الخطابه في بيان رياسي يشعل ٍ نار القصيد بليلة ٍ شعريه = وراعي الذوق الرفيع بحسه الحساسي يستلب لجوهر المعنى لهن طوعيه = لو هو اكبر من حسدني يستلذ احساسي في زمن فيه المشاعر سلعة شريطيه = ومثلوا تمثيل ابا الطيب وابو فيراسي مثل من قال ان ما با الكون كله زيه = الكبير الي محد قده بلا مقياسي والحقيقه قاسيه يا عودة جديه = لذهب لمعة ذهب والا النحاس نحاسي تحسبنك مخترع لك قنبله ذريه = ترتع بروض الكلام وتقرع الاجراسي وانت لا راعي هذيك ولنت راعي ذيه = انت مثل الناس منته غير كل الناسي كان عندك مشكله با البنيه التحتيه = كد تجاوزنا المشاكل في زمان قياسي يقصر الظل ويطول وراس ماله فيه = والجبل يبقى الجبل بين الرواسي راسي ما يشوف الناس راع النظره الفوقيه = لين ياخذ درس عن وضع الزمان القاسي الكمال لغير ربي نقص با الشخصيه = علة واعراضها ضيقه على وسواسي الخسيس ابليس له بين البشر ذريه= مار يالله عيذنا الوسواس والخناسي ثورة الاعلام تدعم ثورة الحريه = يستريح اشواله البواب والحراسي التحيه مني لروس بها نديه = ولا على ركابة التكسي ولا التكاسي غربلوا حال الفقير الشله الفقريه = وراح يدعي ياعسى يكنسهم الكناسي والحكايه بينه لو ما حكاها ليه = يشتكي موجس ولا شكوى بدون اوجاسي والبشر ما بين ذي حسنه وهذي سيه = بختلاف اطباعها عفوي وهذا سياسي الفقير لقوت يومه همه اليوميه = والغني ما خوفه الا لحضة الافلاسي والمثاليه بليا فلسفه فكريه = سيرة الرجال وحظوظه من النوماسي سم فنجال الكلام بفوح بغداديه = حافها الضلع الطويل وساقها هوجاسي

الله الله يابو موسى


إبداع كالعاده من شاعر كبير وجزل وعودنا على الجزاله ,

قصيدة لا ادري ماذا اقول عنها ,حبك وسبك وجزالة وقوة ومعنى ,ماشاء الله تبارك الله

صح لسااااااانك يابو موسى وبيض الله وجهك,شهادتي فيك مجروحه.

أشكرك على تواجدك بيننا ,والشكر موصول لبو تركي على الدعوه الكريمه لشخصكم الكريم

لاعدمناااااااكم