مجاراه من الشاعر الكبير خالد الحصني لقصيدتي لاثارة البندق عليه من أيدي

لاثارت البندق عليـه مـن أيـدي =
=ويش السواه ويش نوع العلاجـي
أبغى بها من عاقل الربـع مفتـي=
=حيث أنها بالراس فوق الحجاجـي
منها أستوى جسمي وإنا داخل الفي =
=ومنها تعكـر يالنشامـا مزاجـي
فكرت فيها مـن جميـع النواحـي=
=ولقيتها مثـل الشـراب الهماجـي
يبلابها عاقل نتيجـة خطـا سـي =
=أمـا خبـل وإلا نوايـاه صاجـي
لولا الحيا وأخاف شرهـة بنيخـي=
=ومبغى سوالفنا لجاجـة حراجـي
لاقول علـمٍ فيـه يالربـع يبطـي =
=مافسـره راع البقـر والنعـاجـي
اليا كوينا طبعنـا ننجـض الكـي=
=لكن مبغـى بالعـروش ارتجاجـي
ماقـل دل ويذكـر الشـي بالشـي=
=والحر ماينظـر لفـرخ الدجاجـي

مجاراه من الشاعر الكبير خالد الحصني على قصيدتي بهذي القصيده

بندق رمت بيديك ياخي ياخي=عليك يابعض السلاح حتجاجي
الاوله هي هي والا ماهي هي =والثانيه ماشفت وجه المناجي
فتوى المشايخ في مثل بندقك ذي=تضيع باالعجه قنوص العجاجي
تبي تعرف علوم سراحه الغي =عد بخزاز تشوف حدرك سواجي
لو كل ما شفناه بعيونا رمي=مافيه من رمي البواريد ناجي
لكن عن حدود الحما قلهم دي=ماني لعوجان النوايا مراجي
شفنا حواتم غير حاتم ولد طي =وشفنا يمثل عنتر الخيل لاجي
وسوالف الصبيان في شارع الحي=مازعلت راع الحجاج الهجاجي
ان جت من الاقصين والا الموالي =طريق مسراها طريق ازدواجي

ردي على مجارات الشاعر خالد

عن ماخرصتـه فـي يابعـد وقعـي=
=ياعاكسين أسلاك بعـض البواجـي
طبعي ماأحب الدرب لاصـار ملـوي =
=ومضرب بسيفي ياابيض الوجه تاجي
مابيـع دم القلـب يالقـرم بألمـي =
=ومالبس أثياب الشريـف العواجـي
ماحط راسـي بالشـرك يالبناخـي=
=والعـود الأزرق مامزجتـه بداجـي
تدري وأنا ادري وأشكل الناس تدري =
=أنـي ماولـع بالقوايـل سـراجـي
لاشفت من يطبخ وينفـخ ويشـوي=
=بعلـوم فيهـا للعـوارف إحراجـي
جنبت ياعـزي وتاجـي وعضـدي =
=ماحب أفتـش بالصـرر والملاجـي
عسى صدا صوتي يصل كـل معنـي =
=وخلافها بالسـوق عـارف خراجـي