رباعيه (بدر العريمه , محمد العريمه , محمد العجي , فهد المخلفي )

بــــــدر الـعـريــمــه =
ياجماعـه باقـي الثلـث الاخيـر=درب يسر ودرب قدامـه عسيـر
يالعجي بشر عسى حالـك بخيـر=ماعلى الدنيا ضميـرن مستريـح
قوم يامحمد وهـات اللـي تجيبـه=من علوم(ن) صايره تال الزمانـي
مـحــمــد الـعـريــمــه =
يافـهـد ودي نسريـهـا مـعـك=مانـي بقايـل حشـا ماتنفـعـك
جر صوتـك ياعميلـي واسمعـك=ماعلى الدنيا ضميـرن مستريـح
ياصحيبن ماتوانـا عـن صحيبـه=والله اني ماتزحزح عـن مكانـي
مـحــمــد الــعــجــي =
يالعريمه مـا بقـى غيـر القليـل=وش تخلي من الحمول وش تشيـل
ابشر انا بخيـر ونسـوي جميـل=ماعلى الدنيا ضميـرن مستريـح
يابدر كلـن يبـا ياخـذ نصيبـه=بأول الاوقـات ولا وقـت ثانـي
فـــهـــد الـمـخـلـفــي =
سرهـا ياقـرم يانسـل الـقـروم=بس شرط تجيب جـزلات العلـوم
لـو تريـح ثـم لاعـادم تـقـوم=ماعلى الدنيا ضميـرن مستريـح
كل رجل(ن) حيله القاصي يجيبـه=لو يبا يروح ويخصـر الرهانـي
بــــــدر الـعـريــمــه =
استلم لاهنـت موضـوع جـرى=كل ماغاب القمـر قـام وسـرى
مير لـذا الحيـن مـاذاق الكـرى=ماعلى الدنيا ضميـرن مستريـح
ماعلى الدنيا ولا حاجـه غريبـه=والنصيب يصيب والدعوى معانـي
مـحــمــد الـعـريــمــه =
ويش لك في صفحة الامجـاد قـل=وكان ماعندك حلول اعطيك حـل
في زمـان اليـوم ولا وقـت زل=ماعلى الدنيا ضميـرن مستريـح
كل رجال(ن) رصيده وسط جيبـه=والفروق تبيـن مابيـن الخوانـي
مـحــمــد الــعــجــي =
كل يوم يحل لك علـم(ن) جديـد=من قريب احيـان واحيـانٍ بعيـد
وانت ويش اللي تحب وش تريـد=ماعلى الدنيا ضميـرن مستريـح
ما بهالدنيـا ولا حاجـه صعيبـه=وكانها تخفـاك مـا راح تخفانـي
فـــهـــد الـمـخـلـفــي =
الرصـيـد الحـمـدلله عـارفـه=ونت ويش امع النشامـا صارفـه
لاتخثـرق بالعـلـوم الطـارفـه=ماعلى الدنيا ضميـرن مستريـح
يالمزينـي لوتبـا تدفـع ضريبـه=انته بطـوع الزمـن يامودمانـي
بــــــدر الـعـريــمــه =
راحت الاولى على درب السـلام=ماتعرضهـا مـن العالـم سهـام
هب يالشيطـان ملعـون الرسـام=ماعلى الدنيا ضميـرن مستريـح
كل سيل(ن) سال مع مجرى شعيبه=مير من حضي ولا سيل(ن) وطاني
مـحــمــد الـعـريــمــه =
لازم انـك ياعميـلـي تحفـظـه=للـوزام واحفـظـه بالمحفـظـه
والـذي يعرفـك يمكـن يرفظـه=ماعلى الدنيا ضميـرن مستريـح
ياعجيبـه ماتجيـنـا ياعجيـبـه=والـذي وده علومـي ماحـدانـي
مـحــمــد الــعــجــي =
عنـد حـدك لا تعديهـا الحـدود=ما نخليلـك علـى الدنيـا وجـود
لا تكلـم وانـت ماعنـدك شهـود=ماعلى الدنيا ضميـرن مستريـح
كم وادي عندكـم مرحـوم ذيبـه=وانت عادي لـو تكثـر بالبيانـي
فـــهـــد الـمـخـلـفــي =
كان يامحمـد تبـا زيـن الكـلام=شد حيلك واعرف ان الدرب شـام
والنتيجه من بعـد عشـرة عـوام=ماعلى الدنيا ضميـرن مستريـح
ياغريبه وابـك هالدنيـا غريبـه=والعشر صارت بعد عشره ثمانـي
بــــــدر الـعـريــمــه =
العجي شاعـر ويفهـم مقصـدي=مير ماهو واصـل" نجـم الجـدي
فوق راس الضلع ماغيـر يعـدي=ماعلى الدنيا ضميـرن مستريـح
كل ذيبا" لـه خصايصـه المهيبـه=مير بعض من الذيابـه عنفوانـي
مـحــمــد الـعـريــمــه =
النتيجـه طالعـه يابـن الحـلال=والشهايـد بالجنـوب وبالشـمـال
وانـت وينـك ياولـد ياهـمـلال=ماعلى الدنيا ضميـرن مستريـح
كيف ثار اليـوم مايلقـى طليبـه=والحسانـي ماتجـازى بالحسانـي
مـحــمــد الــعــجــي =
العجي شاعر ويعرف وش مـداك=لو بقولك يابـدر محـد(ن) كمـاك
وانت يالطيب ولا شخص(ن) وراك=ماعلى الدنيا ضميـرن مستريـح
بعد هذا اليوم نلحـق فيـك ريبـه=كاني الك علم مدري ويش كانـي
فـــهـــد الـمـخـلـفــي =
يختلف عن سايـر النجـم القمـر=والحكي ماكـل حكـي(ن) معتبـر
الله يبيـض وجـه خيّـك بــدر=ماعلى الدنيا ضميـرن مستريـح
وانته ابيض وجه بك صمله وطيبه=ماش قاصر منك ياذرب اليمانـي