الهواجيس كلِ حسب ميزانه

طلال المعبدي=
ياسلامي وباب اهل الفسح مفتوح=والهواجيس كلِ حسـب ميزانـه
المعاني سوات البارق اللي يلوح=والبنادم يخيل البـرق بأعيانـه
مضحي بن جمران=
مرحبا والعطاشا ماتجي وتروح=جال هداج ثم تـرد عطشانـه
شربها من قراحٍ له يرد الروح=ولاخبرنا تصدر منه ضميانـه
طلال المعبدي=
للبقا ياهجوس الشاعر الطحطوح=يالله انك تحفظ فـلان لأخوانـه
بعض خلق الله الليلة سفينة نوح=باج موج المحيط وراح في شانه
مضحي بن جمران=
فوق هد ف الجرايد حمام الدوح=لحصله سلامه كوسر الحانـه
حادثه ذي تشابه قصة المبحوح=ماتبين لحد اليوم مـن خانـه
طلال المعبدي=
هيه يابن علي ويش أنت من مسروح=لامتـبـري ولاأفــرح لعـدوانـه
أبك مثلي هواجيسه طبيـب جـروح=يحزنـه لـو تجـي مابيـن حيانـه
مضحي بن جمران=
زمة البندقيه يابعيـد الشـوح=ركد الرمي لجل تصيب نيشانه
هوشكم يالحضارم كلبوه مزوح=دام كلٍ يلجلج وسـط دكانـه
طلال المعبدي=
انت لاتحسب اللي يلعب معك اللوح=زمهـا خيـر لاتعـود فكرعانـه
اليتيم إن نهمته مـات ياناصـوح=أنصحه من فضل مثلك واحسانـه
مضحي بن جمران=
ليش صدرك سوات القدر قام يفوح=انتبـه للجبـل لايثـور بركانـه
مالنا باليتيـم ولقمتـه مصلـوح=لقمتـه ماتعـدا حـوذ حنكـانـه
طلال المعبدي=
الزعل والغضب وقت الفسح مسموح=مابك ألا جـواب رجـال حمقانـه
كان ماتعلـم الممنـوع والمفسـوح=رد ليه خيـول الحـرب وأرسانـه
مضحي بن جمران=
اعرف ان الخطر وقت اللقاء مطروح=ساعـة ينظـر المديـون ديـانـه
معركه وضعها قدم المـلا مشـروح=كسبهـا مايـرد لنـاس خسرانـه
طلال المعبدي=
ذا السنه ذا السنه رد البرا مذبـوح=خوف يرمي عقيد القـوم فرسانـه
وإن زعلتوا فأنا ماني قصير اشبوح=باذل الحق وأرضي ناس زعلانه
مضحي بن جمران=
الدواء مر ولايخلى مـن الذرنـوح=ولاهو مصروف غير لناس مرضانه
مازعلنا وراسك بالسمن ممسـوح=سقت نصف اليمين وجتك مليانـه
طلال المعبدي=
راعي المقدرة ليته عفا ممـدوح=والخطأ ينحسـب زوده بتركانـه
بعد ضاقت محاريفك ترى مدموح=مايسفـط فمثلـك زلـة لسانـه
مضحي بن جمران=
الخطوط السريعه دربها مبروح=سيب عنك كرا وطوال ضلعانـه
والظفيره عزلنا سلكها المجروح=بس موترك به خذفه بسكانـه
طلال المعبدي=
مانجيب المعاني وجهها مسفوح=يوم كلٍ يغني حسـب هوذانـه
مير لا خلت بارق قول له سبوح=الله يقطع ظما الظامي فمرحانه
مضحي بن جمران=
غبة البحر تبي غايـصٍ سابـوح=غايصٍ فـاز فـي دره ومرجانـه
ماطردنا على الحروه لميع الضوح=يوم بعض الخلايق تقل عميانـه