قصيدتي ( مأسر الوجدان ) ورد اخواني الشعراء من ملتقى حرب

/
/
/
/
/
/
/
/
/
/
/
/
/
بدع الشاعر / خالد بن عبيد بن معتوق ألأحمدي

عليك ياقلبي نقـى الـود مجـرود=من ماسر الوجدان كيف الخراجـي
ياناس انا قلبي من الـود ملهـود=تكفـون دلّـوا مبتلـي للعلاجـي
لو اكتمه بلّشه ولو بحـت منقـود=وبسبة الوضعين ضايـق مزاجـي
قمت اتوجد من هوى ناعم العـود=وجد الغريق اللي به البحر هاجـي
اللي غزا حبه بلا جيـش وجنـود=حتى سرى بعروق دمـي وداجـي
غايب عن عيوني وبالقلب موجـود=من دونه العدوان حطّـوا سياجـي
وضع الهوى ضلّى له سنين بركود=من قبل مرجي يدخل فبيت راجـي
شرحت وضعي بالشعر واطلب ردود=حتى نصفّي جـو سـاده عجاجـي
واخشى تقولولي بعد كـل مجهـود=من طب بحر الود ماهـو بناجـي

/
/
الرد من الشاعر / عبدالعزيز الحربي

يامرحبا بالي له الطيب معقود=وانا بردي له يزيد ابتهاجي
اعرف ترى للحب ميدان وحدود=والزم طريق العدل وخل العواجي
ودرب الهوى ماهو بساتين وورود=ودايم على العاشق تضيق الفجاجي
يحس في صدره من الوجد بارود=يثور مابين الضلوع العواجي
ياصقر انا مثلك من الحب ملهود=وقلبي من الفرقى تدهوروماجي
دورت طبي بس ماهو موجود=وتبي الحقيقه مالقيت العلاجي

/
/
/
الرد من الشاعر / سعد نفاع الجابري

صـقــر الـمـراقــيـب لاجـاتـك زهــود =يـسـلـم لـسـانـك وعـيـن الـحـجـاجـي
ويـمـيـنـاً خـطـت لـلـحـبـائـب قـصــود=وقــلــبــاً فــي حـكـايـاه مـنـهـــاجـــي
أنـا بـانـصـحـك والـنـصـح مـقـصــود=الــنـــصـــح لــه شــــاري ولاجـــــي
يـشـريـه الـلـي بـالـعـرف مــاعــــود=وتــنـاجــابــه عــقـــولاً مـــنــاجـــــي
لاتــــتــــبــــع طـــــريـــق مـــســـدود=ولاتــفــتـح لـلــمـنـافــذ احــتـجـاجــي
طـــعــــمــــة يـــــوم مــابـــهـــا زود=نــظــرة غــيــمــة داخــل زجــاجـــي
عــلـــيــــك بـــأصــــائـــل الـــعــــود =ذهـــب مــابــحــثـــت لــه مــلاجــي
آمـــن فــي كــنــفــــك بـــــركـــــود=عـــذب زلال مــابـــه هـــمــاجـــي
مـن طـــيـــبــه بــــزرعــــه ورود=ذاك الــــمــــزوح الــهـــجـــاجـــي

/
/
/
/
الرد من الشاعر / حيسن بن مريع العبيدي

اشوف قلبك في هوى الزين مشـدود=عسى حبيبك راجيـا مانـت راجـي
الحب عند الناس لـه مـاد وحـدود=وان زاد عن حـده يسمـى هماجـي
الحب بيـن اثنيـن ماهـو بمنقـود=يهوى وتهوى بالرضـا والمزاجـي
ان كان من حبيـت يعطيـك مـردود=واصل وتلقى مـن حبيبـك نتاجـي
خلك معه فا لبحر واصبر على الزود=تحمـل المحبـوب حلـو الوداجـي
وان كان ماجـا رد فالحـب مهـدود=بيعه مثـل بيـع الغنـم فالحراجـي
الصقر مايمشي علـى درب مسـدود=وليا تركـت اللـي مقفيـن ناجـي
وانت احمدي من نسل الاجواد والجود=لاتحتمـل كثـر الدلـع والغنـاجـي
تلقى من يبـادل مشاعـرك ويـزود=وتعيش في راحـه وفلـة حجاجـي

/
/
/
/
الرد من الشاعر / عبدالله عتيق الحنيني

خذ رد من لا قال يرهي على الزود=ويشفق على مجارا طليق الحجاجي
درب الهوا ماهو بمغلق ومسـدود=لاكن في تاليـه مـاش ادراجـي
دربن اليا عاضب ترا ماهو محمود=سقا الملوح كاس مـرن هماجـي
ان كان لك صده ولانتـه بمحـدود=وهواك ماهو بوسط القلب لاجـي
كبه وخل ابيض لياليـه والسـود=مع ساير العربان تلقـى اندماجـي
الولف خلا القلب يرعابـه الـدود=كمن خلوج قد ذبحهـا الخلاجـي
يردي عزوم الي من الناس بالـود=لوكان قلبه مثـل قلـب الخفاجـي
يصعب عليه مخالف الولف ويكود=مثل ما فرت نوت قلـب العواجـي
ويصبح سراب لطارده يا فتا الجود=وخير من طرد السراب الزواجـي

/
/
/
الرد من الشاعر / عبدالعزيز الحريبي

اهلا هلابك عـد مـا هبـت النـود=واعداد ما ولعت شمـوع وزجاجـي
منا طلبـت الـرد والـرد مسنـود=بحـل للـي لـه بقلبـك مـراجـي
ياللي شكيت من الغضي هجر وصدود=وخلّى فؤادك وسط الأضـلاع لاجـي
اعرف سبب صده وعاملـه بـودود=لعـل بعـد الصـد تلقـى أنفراجـي
يمكن حكابك لـه حسـودٍ ومقـرود=وقلبه من اللي جـاه فيـه انفلاجـي
وضح له الصوره عسى بعدها يعـود=وتهنـى بوصـلٍ بعـده الأندماجـي
وأن كان قابـل مـا تعانيـه ببـرود=حبك بقلبه مـا بقـى لـه سراجـي
ومن باع ودك لا ترجّى منـه فـود=حتى ولو شيدت لـه بـرج عاجـي
خله يروح وباقـي العمـر ممـدود=وتلقى العوض في واسعات الفجاجي

/
/
/
/
الرد من الشاعر / فتى ديم

واقول ياصقر لاتشكي هموما(ن) بلاحدود= اصبر على حبة لذيذ النواجي
اللي بقربه ينجلي كل منكود = وتقفي ليالي حافله بالعجاجي
ويطيبلك ياصقر والعود مردود= وتقرعينك ابشوف حلو المزاجي
وتسعد بشوفه والجافيه مردود =الي نجا من الحب تراه ناجي
الي نجا تراه والله ملهود =لوني اعلم انه ماهوب ناجي

واقدم اعتذاري الشديد للاخ الغالي والشاعر القدير /ابن خير الله الردادي
لانه ارسل لي الرابط وصعب علي رؤية المشاركه