من الشبرمية 000 ياحرب ياحرابت القوم الابطال000

	المشاركة الأصلية كتبت بواسطة الشبرمية

	السلام عليكم ورحمة الله وبركاته .. يشرفني الأنضمام إلى هذه الكوكبة الضخمه وأتمنى أن أكون عند حسن ظن الجميع وأطرح بين يديكم قصيدتي المتواضعه التي أوجهها إلى كل شخص من قبيلة حرب قبيلة أعتز بها ولي الشرف إنهم .. خوالي .. ولم أكتب هذه القصيده إلا بسبب موقف أجبرني على الكتابة أتمنى أن تقبلوها .. .. من الشبرمية هاكم اليوم مرسال = لو روس حرب اللي عليهم كلامي ياحرب ياحرابت القوم الابطال = أرسلت شعري مَعه وافي إحترامي أنتم لكم بالطيب بيرق ومدهال = وماأظن سب الغير طبع الحشامي وأنا لفاني منكم هروج جهال = هرج (ن) يهز العرش ماهو تمامي لا ماهقيته يوم جتني من الخال = وهو عارف (ن) طبعي وعارف نظامي والكلمة اللي أحرقتني وتجتال = في صدر بنت الشبرمي ماتلامي ياحرب شاعركم يهدي مع الجال = السيل جارف مايعرف الحرامي وإن كان ماهدا فأنا عندي رجال = الورع منهم مايهاب الزحامي وأنا أساوي لي عن ألفين رجال = هذا كلام شيوخ ماهو كلامي .. .. (( أحتفظ ببقية القصيده للخصوصية )) أتمنى أن تنال إعجاب الجميع .. ..

هلا ومرحبا يا الشبرميه
وتقبلي هذا الرد المتواضع

يامرحبا بلي لفت واول الفال=امصافحتها للخوال اتهامي
والعلم له وجه وله اقفاي وقبال=يابنت قومن يحتمون الجهامي
مافيه عقده مالها راس حلال=انكان ماهو راس فكري ابهامي
نفتل وننقض فتل من كان فتال=ونحسب احساب العاقبه والملامي
ونفند الحجه من الميم ودال=ولكل نيشان من الناس رامي
حرب العزيزه للمسمين مدهال=احفاد من صلى وتصدق وصامي
ميزانهم دايم على الحق ما مال=وليا تعزوو ياردن الضوامي
تاريخهم وافي على مر الاجيال=بفعولهم سولف جنوبي وشامي
يا الشبرميه كان لك ربع مثقال=عليك تحديد الهدف والا اسامي
ونكان ما للهرج هرجه وتفصال=امشي بحسب المتبع والنظامي
وربعك وربعي قدرهم حي لازال=وشكري وتقديري ووافرسلامي