روائع شعريه |
روائع الكسرات |
|
||||||||||
مــلــتــقــى الــقــوافــي الإبحار في عالم الشعر |
|
أدوات الموضوع | إبحث في الموضوع | انواع عرض الموضوع |
14-01-10, 02:54 PM | #1 | |
عضو نشط
|
الشاعر / متعب عويض المشيعلي العمري الحربي
بديت باسم اللي عبـاده برجـواه=رب الملا راع العطايـا الجزايـل
بأسمه بديت وطالب العفو ورضاه=في بيت ابو خالد نظمـت المثايـل باسم الحداري ياهل العرف والجاه=يامرحبـا عـداد وبـل المخايـل يامرحبا عـداد غيـث نثـر مـاه=وما ينبته روض من الوسم سايـل في مجتمعكم غاية القلـب ومنـاه=حي الله الحضـار والشـك زايـل على شرف ذخر الشيوخ المسمـاه=أهـل النقـى ومعربيـن السلايـل سمـي جـده عـاد داره ومنشـاه=يامرحبا بأحفاد وافـى الخصايـل فعل الذويبي تفتخـر بـه دنايـاه=يذكر ليـا عـدة فعـول الحمايـل فيحان بن ناهس إليا حـل طريـاه=زبن السجين اللي وقـع بالحبايـل كم من سجين إطلق سراحه بمسعاه=شاف الفرج من عقب شاف الهوايل رمز الوفاء سارو على نهجه أبناه=عن نهج أهلهم مارضوا بالبدايـل أخوان نوره فـي نهـار المثـاراه=إليا تعلـو فـوق قـب الاصايـل كم فارس من فعلهم جـاه مااكفـاه=عليـه شقـن الثيـاب الحـلايـل ضرب اللويصق بين منكب وجمهاه=كم راس من ضربه دميه شلايـل ياكود ديرتهم على الخصم كـوداه=ستر البنـات منقضـات الجدايـل هم أمرانا بـأول الوقـت وأتـلاه=مقـدم سلفنـا بالسنيـن الاوايـل مقدم سلف لابـه بواتيـع ورمـاه=بنـي عمـر لا ولعـن الفتـايـل وحنا بياض الوجه فعلـه كسبنـاه=قصة نويشي هي خيـار الدلايـل لنـا فعـول وغيرنـا ماظلمـنـاه=مـا ذم باقـي طيبيـن القبـايـل الطيب بين الناس قسمـة مسـاواه=لاشك في بعـض الفعايـل نفايـل واليوم صار الذيب يرعى مع الشاه=في نعمة الاسلام ديـن الفضايـل دين الفخر دين العـدل والمسـاواه=تم انتشاره فـي جميـع الوسايـل في ظل من حـرر بـلاده بشلفـاه=وبحنكته وحـد جميـع الفصايـل عبدالعزيز اللي عسى الخلد ملفـاه=وتغفر ذنوبه يوم كشف السجايـل الحكـم لـال سعـود والملـك لله=مافيه بين الشعب قاصـر وطايـل حنا جنود الامـن للـدار وحمـاه=درع لها من كـل طامـع وعايـل هـذا وطنـا كلنـا مـن فـدايـاه=نفـداك يـادار الهـدى والجمايـل تمت بذكر اللـي رجينـا وخفنـاه=وصلوا على خاتم جميع الرسايـل الشاعر / متعب عويض المشيعلي العمري الحربي منقول |
|
|
|